ലണ്ടന്: ടെസ്റ്റ് ക്രിക്കറ്റ് ജഴ്സിയില് മാറ്റങ്ങള് വരുന്നു. ആദ്യമായി കളിക്കാരുടെ വെള്ള ജഴ്സിയില് പേരും നമ്പറും ഉള്പ്പെടുത്തും. ആഷസ് പരമ്പരയില് ഓസ്ട്രേലിയ-ഇംഗ്ലണ്ട് കളിക്കാര് മൈതാനത്ത് ഇറങ്ങുമ്പോള് ഏകദിന, ട്വന്റി20 ജഴ്സികള്ക്ക് സമാനമായി താരങ്ങളുടെ പേരും നമ്പറും ജഴ്സിയില് ഉണ്ടാകും.
ഇംഗ്ലണ്ട് ക്രിക്കറ്റ് ബോര്ഡിന്റെ ഔദ്യോഗിക ട്വിറ്റര് അക്കൗണ്ടിലൂടെയാണ് ഇക്കാര്യം വ്യക്തമാക്കിയത്. ഇതിനൊപ്പം ഇംഗ്ലണ്ട് ടെസ്റ്റ് ടീമിന്റെ നായകന് ജോ റൂട്ടിന്റെ ചിത്രവും പങ്കുവെച്ചിട്ടുണ്ട്. 66ാം നമ്പര് ജഴ്സി ധരിച്ചുള്ള റൂട്ടിന്റെ ചിത്രമാണ് പുറത്തു വന്നിരിക്കുന്നത്. പിന്നാലെ ഐസിസിയുടെ ട്വീറ്റുമെത്തി. ഇംഗ്ലണ്ട് താരങ്ങളായ മോയിന് അലിയും സ്റ്റുവര്ട്ട് ബ്രോഡും പേരും നമ്പറുമുള്ള ജഴ്സി ധരിച്ചു നില്ക്കുന്ന ചിത്രമാണ് ഐസിസി പുറത്തു വിട്ടത്.
അഞ്ച് ടെസ്റ്റുകളുടെ പരമ്പര ഓഗസ്റ്റ് 1ന് ആരംഭിക്കും.