ടോക്കിയോ: ഒളിംപിക്സ്, പാരാലിംപിക് ഗെയിമുകളുടെ മെഡല് രൂപരേഖ ടോക്കിയോ സംഘാടക സമിതി പുറത്തിറക്കി. 2020 ഒളിംപിക്സ് ഗെയിംസിനുള്ള മെഡല് ഡിസൈന്, മെഡല് റിബണ്, മെഡല് കേസ് എന്നിവയാണ് ബുധനാഴ്ച നടന്ന ‘ വണ് ഇയര് ടു ഗോ ‘ എന്ന ചടങ്ങില് പ്രദര്ശിപ്പിച്ചത്.
2020 ഒളിംപിക്സ് ഗെയിംസ് ഏറെ പ്രതീക്ഷയോടെ കാത്തിരിക്കുന്നു. സമൃദ്ധിയെയാണ് മെഡലിന്റെ രൂപരേഖ സൂചിപ്പിക്കുന്നത്. ഇത് നേടുന്നതിനായി അത്ലറ്റുകള് ദിവസേന പരിശ്രമിക്കേണ്ടതുണ്ടെന്ന് ടോക്കിയോ സംഘാടക സമിതി അറിയിച്ചു. മെഡലുകളുടെ രൂപകല്പ്പന വൈവിധ്യത്തെ സൂചിപ്പിക്കുന്നതും കായിക രംഗത്ത് മത്സരിക്കുന്നവരെ പ്രതിനിധീകരിക്കുന്നതുമാണ്.
മെഡലിന്റെ തിളക്കം ലോകമെമ്പാടുമുള്ള ആളുകളുടെ സൗഹൃദത്തിന്റെ തിളക്കത്തെയാണ് സൂചിപ്പിക്കുന്നത്.
ടോക്കിയോ ഒളിംപിക്സിന്റെ ഒരു വര്ഷത്തെ കൗണ്ട്ഡൗണ് ആരംഭിച്ചു. 2020 ജൂലൈ 24 നാണ് ഒളിംപിക്സ് ആരംഭിക്കുന്നത്.
