ടോക്കിയോ: ജപ്പാന്‍ ഓപ്പണ്‍ ബാഡ്മിന്റണ്‍ പുരുഷവിഭാഗം സിംഗിള്‍സില്‍ ഇന്ത്യയുടെ ബി. സായ് പ്രണീത് സെമിഫൈനലില്‍ പ്രവേശിച്ചു. ക്വാര്‍ട്ടറില്‍ ഇന്തോനേഷ്യയുടെ ടോമി സുഗ്യാര്‍തോയെ തോല്‍പ്പിച്ചാണ് സായ് പ്രണീത് സെമിയില്‍ എത്തിയത്. 36 മിനിറ്റ് മത്സരം നീണ്ടുനിന്നു. സ്‌കോര്‍ 21-12, 21-15.
സെമിയില്‍ ഒന്നാം സീഡ് താരം ജപ്പാന്റെ കെന്റോ മൊമൊറ്റയെ സായ് പ്രണീത് നേരിടും. നിലവില്‍ ലോക റാങ്കിങ്ങില്‍ 23-ാം സ്ഥാനക്കാരനാണ് സായ് പ്രീണിത്.
അതേ സമയം വനിത വിഭാഗം സിംഗിള്‍സില്‍ പി വി സിന്ധു സെമിഫൈനല്‍ കാണാതെ പുറത്തായി. നാലാം സീഡ് താരം ജപ്പാന്റെ അകാനെ യമഗുച്ചിയോടാണ് സിന്ധു തോറ്റത്. സ്‌കോര്‍ 18-21, 15-21.
