പ്രസിഡന്റ് കപ്പില്‍ മേരി കോമിന് സ്വര്‍ണം

ഇന്തോനേഷ്യ: ആറ് തവണ ലോക ചാമ്പ്യനായ ബോക്സര്‍ മേരി കോം ഞായറാഴ്ച നടന്ന 23-ാമത് പ്രസിഡന്റ് കപ്പില്‍ സ്വര്‍ണം നേടി. 51 കിലോഗ്രാം വിഭാഗത്തിലായിരുന്നു മത്സരം.

ഓസ്‌ട്രേലിയന്‍ താരം ഏപ്രില്‍ ഫ്രാങ്ക്‌സിനെ 5-0നാണ് മേരി കോം പരാജയപ്പെടുത്തിയത്.

എനിക്ക് കിട്ടിയ മെഡല്‍ എന്റെ രാജ്യത്തിന്റേതുമാണ്. വിജയം കൈവരിക്കാനായി എല്ലാവരേക്കാളും കൂടുതല്‍ സമയം പരിശ്രമിക്കുക . ഈ അവസരത്തില്‍ ഞാന്‍ എന്റെ സഹപ്രവര്‍ത്തകര്‍ക്ക് നന്ദി രേഖപ്പെടുത്തുന്നു എന്നും മേരി കോം ട്വീറ്റ് ചെയ്തു.

ലോക ചാമ്പ്യന്‍ഷിപ്പില്‍ ബോക്സിംഗില്‍ ആറ് സ്വര്‍ണം നേടുന്ന ആദ്യ വനിതാ താരം എന്ന ബഹുമതി നേടിയ താരമാണ് മേരി കോം. അയര്‍ലന്‍ഡിന്റെ കാറ്റി ടെയ്ലറെ പിന്നിലാക്കിയാണ് മേരി ഈ നേട്ടം സ്വന്തമാക്കിയത്. ഇതിഹാസ ക്യൂബന്‍ പുരുഷ താരം ഫെലിക്സ് സാവോന് ശേഷം ആറ് മെഡലുകള്‍ കരസ്ഥമാക്കുന്ന താരമാണ് മേരി കോം.

ലണ്ടന്‍ ഒളിമ്പിക് വെങ്കല മെഡല്‍ ജേതാവായ മേരി കോം 2020ലെ ഒളിംപിക്‌സിനായി ഒരുങ്ങുകയാണ് .

Gold medal for me and for my country at #PresidentCup Indonesia. Winning means you’re willing to go longer,work harder & give more effort than anyone else. I sincerely thanks to all my Coaches and support staffs of @BFI_official @KirenRijiju @Media_SAI pic.twitter.com/R9qxWVgw81

— Dr. M C Mary Kom OLY (@MangteC) July 28, 2019