ദുബായ്: ഐ.സി.സിയുടെ ടെസ്റ്റ് റാങ്കിങ്ങില് ആദ്യ ഒന്പത് സ്ഥാനക്കാരെ പങ്കെടുപ്പിച്ചുക്കൊണ്ട് വേള്ഡ് ടെസ്റ്റ് ചാമ്പ്യന്ഷിപ്പിനൊരുങ്ങുകയാണ് ഐ.സി.സി. രണ്ട് വര്ഷം നീണ്ടുനില്ക്കുന്ന ചാമ്പ്യന്ഷിപ്പ് ആഷസ് പരമ്പരയോടെ ആരംഭിക്കും.
അതേ സമയം ഇന്ത്യ വലിയ ആവേശത്തോടെയാണ് ചാമ്പ്യന്ഷിപ്പിനെ കാണുന്നതെന്നു ക്യാപ്റ്റന് വീരാട് കോഹ്ലി വ്യക്തമാക്കി. ടെസ്റ്റ് ക്രിക്കറ്റ് വളരെ വെല്ലുവിളി നിറഞ്ഞതാണെന്നും പരമ്പരാഗത രൂപത്തില് മികച്ച പ്രകടനം പുറത്തെടുക്കുന്നത് എല്ലായ്പ്പോഴും വളരെ സംതൃപ്തിയുള്ള കാര്യമാണെന്നും കോഹ്ലി കൂട്ടിച്ചേര്ത്തു.
ഇന്ത്യ, ന്യൂസിലാന്റ്, ദക്ഷിണാഫ്രിക്ക, ഇംഗ്ലണ്ട്, വെസ്റ്റിന്ഡീസ്, ഓസ്ട്രേലിയ, ബംഗ്ലാദേശ്, പാകിസ്ഥാന് , ശ്രീലങ്ക ടീമുകളാണ് ആദ്യ ഒന്പത് റാങ്കിലുള്ളത്.
എന്നാല് എല്ലാ ടെസ്റ്റുകളും പ്രാധാന്യമര്ഹിക്കുന്നുവെന്നും അതനുസരിച്ച് ഐസിസി വേള്ഡ് ടെസ്റ്റ് ചാമ്പ്യന്ഷിപ്പ് കായിക രംഗത്തെ മറ്റൊരു മികച്ച സംരഭമാണെന്നും ഇംഗ്ലണ്ടിലെ പ്രമുഖ ടെസ്റ്റ് വിക്കറ്റ് ജേതാവ് ജെയിംസ് ആന്ഡേര്സണ് അഭിപ്രായപ്പെട്ടു.
ടെസ്റ്റ് പരമ്പരകളായാണ് ലോക ചാമ്പ്യന്ഷിപ്പിലെ മല്സരങ്ങള് നടക്കുക. ഇതില് ആദ്യ പരമ്പര ഓസ്ട്രേലിയയും ഇംഗ്ലണ്ടും തമ്മിലുള്ള ആഷസ് പരമ്പരയാണ്. ഓഗസ്റ്റ് ഒന്നിന് എഡ്ജ്ബാസ്റ്റണിലാണ് ആഷസിലെ ആദ്യ ടെസ്റ്റ്. ചാമ്പ്യന്ഷിപ്പിന്റെ ഫൈനല് മല്സരം 2021ല് ലോര്ഡ്സില് നടക്കും.
ഓരോ പരമ്പരയിലും രണ്ടു മുതല് അഞ്ചു വരെ മല്സരങ്ങളുണ്ടാകും. മല്സരങ്ങളുടെ എണ്ണം ഓരോ ക്രിക്കറ്റ് ബോര്ഡുകള്ക്കും തീരുമാനിക്കാം. ഒരു ടീമിന് മൂന്നു വീതം ഹോം പരമ്പരയുമുണ്ടാകും. ഇങ്ങനെ ആറു പരമ്പരയാണ് ഒരു ടീം ആകെ കളിക്കേണ്ടത്. ഇത്തരത്തില് 27 പരമ്പരകളിലായി 72 ടെസ്റ്റ് മല്സരങ്ങളാണ് ആകെ നടക്കുക.
ഇംഗ്ലണ്ടിന് ആറു പരമ്പരകളിലായി 22 മല്സരങ്ങളാണ് കളിക്കാനുള്ളത്. അതേ സമയം ഇന്ത്യക്ക് 18 മല്സരങ്ങളാണ് മാത്രമാണുള്ളത്. ദക്ഷിണാഫ്രിക്ക-16, ഒസ്ട്രേലിയ-19, വെസ്റ്റിന്ഡീസ് -15, ന്യൂസീലാന്ഡ്-14, ബംഗ്ലാദേശ്-14, പാകിസ്ഥാന്-13, ശ്രീലങ്ക-13 എന്നിങ്ങനെയാണ് ഓരോ ടീമും കളിക്കാനുള്ള മല്സരങ്ങളുടെ എണ്ണം.
