പുതിയ മാറ്റങ്ങളോടെ ജിയോയുടെ ഓള്‍ ഇന്‍ വണ്‍ പ്ലാനുകള്‍ നിലവില്‍ വന്നു; അറിയേണ്ടതെല്ലാം

ഡിസംബര്‍ മുതല്‍ പുതിയ മാറ്റങ്ങളാണ് ടെലികോം രംഗത്ത് വന്നത്. പ്രമുഖ ടെലകോം ഓപ്പറേറ്റര്‍മാരായ എയര്‍ടെല്‍, വോഡാഫോണ്‍-ഐഡിയ, ജിയോ തുടങ്ങിയവരെല്ലാം സേവന നിരക്കുകള്‍ കുത്തനെ കൂട്ടകയും ചെയ്തു. ജിയോയുടെ വന്നതോടെ രാജ്യത്ത് ടെലികോം ഉപഭോഗത്തിന്റെ നിരക്ക് കുറഞ്ഞിരുന്നു. എന്നാല്‍ ഇപ്പോള്‍ ജിയോ ഉള്‍പ്പടെ എല്ലാ കമ്പനികകളും അവരവരുടെ സേവന നിരക്ക് കൂട്ടിയിരിക്കുകയാണ്. ഓള്‍ ഇന്‍ വണ്‍ പ്ലാനുകളില്‍ വലിയ മാറ്റം തന്നെ ജിയോ വരുത്തി കഴിഞ്ഞു. അത് ഏതൊക്കെയെന്ന് നോക്കാം.

199 രൂപയുടെ പ്ലാന്‍

ജിയോയുടെ ഏറ്റവും ചെറിയ ഓള്‍ ഇന്‍ വണ്‍ പ്ലാനാണ് 199 രൂപയുടേത്. നേരത്തെ 149 രൂപയ്‌ക്ക് ലഭിച്ചിരുന്ന പ്ലാനിലാണ് ജിയോ 50 രൂപ വര്‍ധിപ്പിച്ച് പുതിയ പ്ലാനായി അവതരിപ്പിച്ചിരിക്കുന്നത്. 28 ദിവസം കാലാവധിയുള്ള പ്ലാനില്‍ പ്രതിദിനം 1.5 ജിബി ഡറ്റയും അണ്‍ലിമിറ്റഡ് ജിയോ ടു ജിയോ സൗജന്യ കോളുകള്‍ക്കും പുറമെ 1000 എഫ്യുപി മിനിറ്റും ലഭിക്കും.

249 രൂപയുടെ പ്ലാന്‍

222 രൂപയ്‌ക്ക് ലഭിച്ചിരുന്ന പ്ലാനാണ് ജിയോ 249 രൂപയ്‌ക്ക് പുതുക്കി അവതരിപ്പിച്ചിരിക്കുന്നത്. പ്രതിദിനം 2 ജിബി ഡറ്റയും അണ്‍ലിമിറ്റഡ് ജിയോ ടു ജിയോ സൗജന്യ കോളുകള്‍ക്കും പുറമെ 1000 എഫ്യുപി മിനിറ്റും (മറ്റ് ഓപ്പറേഷനിലേക്ക്) 28 ദിവസത്തെ കാലാവധിയില്‍ ലഭിക്കുന്നതാണ് പ്ലാന്‍. ഇതിനു പുറമെ പ്രതിദിനം 100 എസ്എംഎസ് സന്ദേശങ്ങള്‍ അയക്കാനും സാധിക്കും.

349 രൂപയുടെ പ്ലാന്‍

നേരത്തെ പറഞ്ഞ പ്ലാനുകളില്‍ നിന്ന് ഇവിടയും ഡാറ്റയില്‍ മാത്രമാണ് മാറ്റമുള്ളത്. 349 രൂപയുടെ പ്ലാനില്‍ റീചാര്‍ജ് ചെയ്യുന്നവര്‍ക്ക് പ്രതിദിനം 3 ജിബി ഡറ്റ ലഭിക്കും. ഒപ്പം 1000 എഫ്യുപി മിനിറ്റും, പ്രതിദിനം 100 എസ്എംഎസ് സന്ദേശങ്ങള്‍ അയക്കാനും 28 ദിവസത്തേക്ക് സാധിക്കും.

399 രൂപയുടെ പ്ലാന്‍

പ്രതിദിനം 2 ജിബി ഡാറ്റ വീതം 56 ദിവസത്തേക്ക് ലഭിക്കുന്നതാണ് 399 രൂപയുടെ പ്ലാന്‍. അണ്‍ലിമിറ്റഡ് ജിയോ ടു ജിയോ സൗജന്യ കോളുകളും 2000 എഫ്യുപി മിനിറ്റും, പ്രതിദിനം 100 എസ്എംഎസ് സന്ദേശങ്ങള്‍ അയക്കാനും സാധിക്കും.

444 രൂപയുടെ പ്ലാന്‍

444 രൂപയുടെ പ്ലാനിന് മാറ്റമില്ല. നേരത്തെ 2 ജിബി ഡാറ്റ 84 ദിവസത്തേക്ക് ലഭിക്കുന്നത് ഇപ്പോള്‍ 56 ദിവസത്തേക്കായി കുറഞ്ഞു. 444 രൂപയുടെ പ്ലാനിനേക്കാള്‍ മികച്ചത് 399 രൂപയുടെ പ്ലാന്‍ ആണ്.

555 രൂപയുടെ പ്ലാന്‍

നേരത്തെയുള്ള 444 രൂപയുടെ ഓഫറുകള്‍ക്ക് സമാനമാണ് 555 രൂപയുടെ പ്ലാന്‍. 84 ദിവസത്തേക്ക് പ്രതിദിനം 1.5 ജിബി ഡാറ്റ ലഭിക്കും. 3000 എയുപി മിനിറ്റ് ലഭ്യമാണ്.

599 രൂപയുടെ പ്ലാന്‍

പഴയ 555 രൂപയുടെ പ്ലാനിന്റെ പുതുക്കിയ രൂപമാണ് 599 രൂപാ പ്ലാന്‍. 599 രൂപായുടെ പ്ലാന്‍ റീടാര്‍ജ് ചെയ്യുന്നവര്‍ക്ക് പ്രതിദിനം 2 ജിബി ഡാറ്റ ലഭിക്കും. ഒപ്പം 3000 എഫ്യുപി മിനിറ്റും 84 ദിവസത്തേക്ക് സാധിക്കും.

2,199 രൂപ പ്ലാന്‍

2199 ഒരു വാര്‍ഷിക പ്ലാനാണ്. നേരത്തെ ഇത് 1776 രൂപാ പ്ലാന്‍ ആയിരുന്നു. പ്രതിദിനം 1.5 ജിബി ഡാറ്റ, പരിധിയില്ലാത്ത കോളുകള്‍, 4000എഫ്യുപി മിനുറ്റ് എന്നിവയാണ് വാഗ്ദാനം ചെയ്തിരുന്നത്. എന്നാല്‍ പുതുക്കിയ പ്ലാന്‍ പ്രകാരം പ്രതിദിനം 1.5 ജിബി ഡാറ്റ, പരിധിയില്ലാത്ത കോളുകള്‍, നെറ്റ്വര്‍ക്കുകള്‍ക്കായി 12,000 എഫ്‌യുപി മിനിറ്റും ലഭിക്കും

അതേസമയം, പുതിയ എയര്‍ടെല്‍ പ്ലാനില്‍ പ്രതിദിനം 50 പൈസ മുതല്‍ 2.85 രൂപ വരെയാണ് വര്‍ധനവ്. ഡേറ്റയ്‌ക്കും കോളിങ് ആനുകൂല്യങ്ങള്‍ക്കുമൊപ്പം എയര്‍ടെല്‍ എക്‌സ്ട്രീം, വിങ്ക് മ്യൂസിക്, ഡിവൈസ് സുരക്ഷ, ആന്റി വൈറസ് സുരക്ഷ എന്നിവയും നല്‍കുന്നുണ്ട്. എയര്‍ടെല്‍ അതിന്റെ ജനപ്രിയ 169, 199 പ്ലാനുകളെ ഒരൊറ്റ 248 പായ്‌ക്കിലേക്ക് ലയിപ്പിച്ചു. അവരുടെ മുന്‍പത്തെ 28 ദിവസത്തെ കാലാവധി അതേപടി തുടരുന്നു. അതിന്റെ 169 പായ്‌ക്ക് ഉപയോക്താക്കള്‍ക്കുള്ള താരിഫ് വര്‍ധന 47 ശതമാനം ആണ്. എന്നാലും ഉപയോക്താക്കള്‍ക്ക് ഇപ്പോള്‍ പ്രതിദിനം 1.5 ജിബി ഡാറ്റ ലഭിക്കും. നേരത്തെ ലഭിച്ചതില്‍ നിന്ന് 50 ശതമാനം കൂടുതലാണിത്. ഉപയോക്താവ് 199 പ്ലാന്‍ ആസ്വദിച്ചതിന് സമാനമാണ്.

വോഡഫോണ്‍ ഐഡിയയുടെ 2 ദിവസം, 28 ദിവസം, 84 ദിവസം, 365 ദിവസത്തെ കാലാവധിയുള്ള പ്രീപെയ്ഡ് പ്രോഡക്ടുകള്‍ക്കും സേവനങ്ങള്‍ക്കുമാണ് കമ്പനി പുതിയ പ്ലാനുകള്‍ പ്രഖ്യാപിച്ചത്. മുന്‍പത്തെ പ്ലാനുകളെ അപേക്ഷിച്ച് പുതിയ പ്ലാനുകള്‍ക്ക് 42 ശതമാനം വരെ വില കൂടുതലുണ്ട്. വോഡഫോണ്‍ ഐഡിയ ലിമിറ്റഡിന്റെ (വിഐഎല്‍) പ്രീപെയ്ഡ് ഉല്‍പന്നങ്ങള്‍ക്കും സേവനങ്ങള്‍ക്കുമായുള്ള പുതിയ താരിഫുകളും പ്ലാനുകളും പുറത്തിറക്കിയിട്ടുണ്ട്.