ഓക്ലന്ഡ്: ന്യൂസിലന്ഡിനെതിരായ ഒന്നാം ട്വന്റി20 യില് ഇന്ത്യക്ക് 6 വിക്കറ്റ് വിജയം. ടോസ് നഷ്ടപ്പെട്ട് ആദ്യം ബാറ്റ് ചെയ്ത ന്യൂസിലന്ഡ് നിശ്ചിത 20 ഓവറില് 5 വിക്കറ്റ് നഷ്ടത്തില് 203 റണ്സെടുത്തിരുന്നു. 6 പന്ത് ശേഷിക്കെ 4 വിക്കറ്റ് നഷ്ടത്തിലാണ് ഇന്ത്യ വിജയലക്ഷ്യം മറികടന്നത്.
അര്ദ്ധ സെഞ്ച്വറി നേടിയ ഓപ്പണര് കെ.എല് രാഹുലിന്റെ മികച്ച പ്രകടനമാണ് ഇന്ത്യന് വിജയത്തില് നിര്ണായകമായത്. 27 പന്തില് 4 ബൗണ്ടറികളും 3 സിക്സറുകളും സഹിതം 56 റണ്സാണ് രാഹുല് നേടിയത്. 32 പന്തില് 45 റണ്സ് നേടിയ നായകന് വിരാട് കോഹ്ലി രാഹുലിന് ഉറച്ച പിന്തുണ നല്കി. അവസാന നിമിഷം ആഞ്ഞടിച്ച യുവതാരം ശ്രേയസ് അയ്യര് ഇന്ത്യന് വിജയത്തില് നിര്ണായക പങ്കുവഹിച്ചു. ശ്രേയസ് 29 പന്തില് 5 ബൗണ്ടറികളും 3 സിക്സറുകളും സഹിതം പുറത്താകാതെ 58 റണ്സ് നേടി.
നേരത്തെ ടോസ് നഷ്ടപ്പെട്ട് ബാറ്റിംഗിനിറങ്ങിയ ആതിഥേയര് ഇന്ത്യന് ബൗളര്മാര്ക്കു മുകളില് സമ്പൂര്ണ ആധിപത്യം പുലര്ത്തുന്ന കാഴ്ചയാണ് കണ്ടത്. ഓപ്പണര്മാരായ മാര്ടിന് ഗുപ്ടിലും(19 പന്തില് 30) കോളിന് മന്റോയും (42 പന്തില് 59) മികച്ച തുടക്കമാണ് കീവിസിന് നല്കിയത്. പിന്നാലെയെത്തിയ നായകന് കെയ്ന് വില്യംസണ് 26 പന്തില് 51 റണ്സ് നേടിയപ്പോള് റോസ് ടെയ്ലര് 27 പന്തില് പുറത്താകാതെ 57 റണ്സ് നേടിയിരുന്നു.
ഇതോടെ അഞ്ച് മത്സര പരമ്പരയില് ഇന്ത്യ 1-0ന് മുന്നിലെത്തി.
