ഒരു തുള്ളി വെള്ളത്തില് നിന്നും 100 എല്ഇഡി ബല്ബുകള് തെളിയിച്ച് ശാസ്ത്രജ്ഞര്. ഹോങ്കോംഗ് സിറ്റി യൂണിവേഴ്സിറ്റിയിലെ ശാസ്ത്രജ്ഞരാണ് പുതിയ കണ്ടെത്തലുകള് നടത്തിയത്. ലോകത്തിലെ ഊര്ജ പ്രതിസന്ധിയ്ക്ക് പരിഹാരം കാണാനുള്ള ശ്രമങ്ങള്ക്ക് കൂടുതല് കരുത്ത് പകരുന്നതാണ് പുതിയ കണ്ടെത്തല്. മുകളില് നിന്നും താഴേക്ക് വീഴുന്ന ഒരു തുള്ളി വെള്ളത്തില് നിന്നും സൃഷ്ടിച്ച ഊര്ജത്തെയാണ് 100 എല്ഇഡി ബള്ബുകള് പ്രകാശിപ്പിക്കാന് ശാസ്ത്രജ്ഞര് ഉപയോഗിച്ചത്.
ഈ സാങ്കേതിക വിദ്യ ഉപയോഗിച്ച് മഴവെള്ളത്തില് നിന്നും ഊര്ജം സൃഷ്ടിക്കാനും കഴിയും. 15 സെന്റീമീറ്റര് ഉയരത്തില് നിന്നും വീഴുന്ന ജലകണികകള് ബള്ബുകള് പ്രകാശിപ്പിക്കുന്നതാണ് സിറ്റി സര്വ്വകലാശാല അവതരിപ്പിച്ച മാതൃകയില് വ്യക്തമാക്കുന്നത്. എഐ ഇലക്ട്രോഡില് പതിക്കുന്ന ജലകണികയെ വൈദ്യുതിയാക്കി മാറ്റുകയും എല്ഇഡി ബള്ബുകള് പ്രകാശിപ്പിക്കുകയും ചെയ്യുന്നു.
മഴവെള്ളം ഉയരത്തില് നിന്നും താഴേക്ക് വീഴുന്നതിനാല് ഊര്ജ സൃഷ്ടിയ്ക്ക് മറ്റ് ഇടപെടലുകളും ആവശ്യമില്ല. സൗരോര്ജം ഉണ്ടാക്കുന്നതിനേക്കാള് അനേകം മടങ്ങ് അളവില് ജലകണങ്ങളില് നിന്നും ഉര്ജം സൃഷ്ടിക്കാന് കഴിയും.
