ന്യൂഡല്ഹി: ടീം ഇന്ത്യയെ വാനോളം പുകഴ്ത്തി ഓസ്ട്രേലിയന് ഓള്റൗണ്ടര് മാര്ക്കസ് സ്റ്റോയിനിസ്. ഇന്ത്യന് ടീമില് ഇടം നേടാന് കഴിയാത്തവര് പോലും തന്നേക്കാള് മികച്ച കളിക്കാരാണെന്ന് അദ്ദേഹം പറഞ്ഞു. ‘ദി ടെസ്റ്റ്’ എന്ന പേരില് ഓസ്ട്രേലിയന് ടീമിനെ ആസ്പദമാക്കി ആമസോണ് പ്രൈമില് പുറത്തുവന്ന ഡോക്യുമെന്ററിയിലാണ് സ്റ്റോയിനിസിന്റെ പ്രതികരണം.
ലോകത്തിലെ ഏറ്റവും മികച്ച ടീം ഇന്ത്യയാണ്. ഇന്ത്യയില് കളിക്കാന് ഞാന് ഏറെ ഇഷ്ടപ്പെടുന്നു. ഇന്ത്യയുടെ സംസ്കാരം എനിക്ക് ഏറെ പ്രിയപ്പെട്ടതാണ്. ഇന്ത്യയില് കളിക്കുമ്പോള് സമാനതകളില്ലാത്ത ഊര്ജ്ജം ലഭിക്കുന്നുണ്ടെന്നും സ്റ്റോയിനിസ് അഭിപ്രായപ്പെട്ടു.
ഇന്ത്യയില് കളിക്കുമ്പോള് ഒരു കളിക്കാരന്റെ എല്ലാ ഇന്ദ്രിയങ്ങളും ഉണര്ന്നു പ്രവര്ത്തിക്കും. ഒരു കളിക്കാരന് ഒരിക്കലും അവിടുത്തെ സാഹചര്യത്തില് മികച്ച പ്രകടനം കാഴ്ച വെക്കാതിരിക്കാന് കഴിയില്ലെന്നും അദ്ദേഹം പറഞ്ഞു.
2018ലെ ഇന്ത്യയുടെ ഓസ്ട്രേലിയന് പര്യടനം വളരെ മികച്ചതായിരുന്നു. 3 മത്സരങ്ങളുടെ ടെസ്റ്റ് പരമ്പരയും ഏകദിന പരമ്പരയും 2-1ന് സ്വന്തമാക്കിയ ഇന്ത്യ രണ്ട് മത്സരങ്ങളുടെ ട്വന്റി20 പരമ്പര 1-1ന് സമനിലയും പിടിച്ചിരുന്നു.