ലണ്ടന്: ലോക ഫുട്ബോള് രംഗത്ത് കൊറോണ ബാധിതരുടെ എണ്ണം വര്ധിച്ചിരിക്കുന്ന സാഹചര്യത്തില് പരിക്കുമാറി ടോട്ടനം താരം ആരാധകരെ സന്തോഷിപ്പിക്കുന്നു. ടോട്ടന ത്തിന്റെ ദക്ഷിണ കൊറിയന് ദേശീയതാരമായ ഹ്യൂഗ് മിന് സുന് കൈക്ക് പരിക്കേറ്റാണ് കളിക്കളത്തില് നിന്നും മാറി നില്ക്കേണ്ടി വന്നത്. 2018-19 സീസണിലാണ് സുന് ടോട്ടനത്തിന്റ ഭാഗമായത്.
‘ താന് നിലവില് പൂര്ണ്ണ സുഖം പ്രാപിച്ചിരിക്കുന്നു. എന്നാല് ഇപ്പോള് ഫുട്ബോളല്ല പ്രധാനം എന്നറിയാം.എല്ലാവരുടേയും ആരോഗ്യം കാത്തുസൂക്ഷിക്കേണ്ട സമയമാണ്. നമ്മളെല്ലാം സുരക്ഷിതരായിരിക്കണം.’സുന് ട്വിറ്ററിലൂടെ അറിയിച്ചു.
ടോട്ടനത്തിന്റെ മുന്നേറ്റനിരയിലെ ശക്തമായ സാന്നിദ്ധ്യമാണ് സുന്. പരിക്കേറ്റതിനാല് ചികിത്സയില് പ്രവേശിച്ചത് സുന്നിന് ആശ്വസമായി.മാത്രമല്ല കൊറോണ ഭീതിയില് ഉള്ള പ്രദേശത്തുനിന്നും 150 കിലോമീറ്റര് അകലെയാണ് സുന്. കൊറോണ മൂലമല്ല കളിക്കളത്തില് നിന്നും മാറി നില്ക്കുന്നതെന്നും സുന് ആരാധകരോട് പറഞ്ഞു. ആസ്റ്റണ് വില്ലക്കെതിരെ പ്രീമിയര് ലീഗ് മത്സരത്തിനിടെയാണ് സുന്നിന് പരിക്കേറ്റത്. അന്നത്തെ മത്സരത്തില് ടോട്ടനം 3-2നാണ് ജയിച്ചത്.