റിയോ ഡി ജനീറോ: ലോക ഫുട്ബോളിന്റെ കളിത്തൊട്ടിലെന്നറിയപ്പെടുന്ന ബ്രസീലിലെ
മാരക്കാന സ്റ്റേഡിയം താല്ക്കാലിക ആശുപത്രിയായി. രാജ്യത്ത് വിവിധ മേഖലകളിലായി കൊറോണ ബാധിതരുടെ എണ്ണം വര്ധിച്ചതാണ് വലിയ പൊതു സ്ഥലങ്ങളില് ആശുപത്രികള് സജ്ജീകരിക്കാന് അധികൃതരെ നിര്ബന്ധിതരാക്കിയത്.
വൈദ്യുതിയും വെള്ളവും അടക്കം എല്ലാ സൗകര്യങ്ങളുമുള്ള സ്റ്റേഡിയത്തിന്റെ കാര് പാര്ക്കിംഗ് പ്രദേശമടക്കം ആയിരക്കണക്കിന് രോഗികളെ കിടത്താന് പാകത്തിന് സജ്ജമാ ക്കികഴിഞ്ഞു. നിലവില് ബ്രസീലിലെ പ്രമുഖ താരങ്ങളടക്കം കൊറോണ പ്രതിരോധ പ്രവര് ത്തനങ്ങള്ക്കായി സാമ്പത്തിക സഹായവും പ്രാദേശിക ഭരണകൂടങ്ങള്ക്ക് നല്കിക്കഴിഞ്ഞു.
സര്ക്കാര് കണക്കനുസരിച്ച് കൊറോണ ബാധിതര് ബ്രസീലില് 2900 കടന്നു. മരണസംഖ്യ 77 പേരിലെത്തി നില്ക്കുകയുമാണ്. പ്രമുഖ നേതാവായ ജെയിര് ബോല്സൊണാരോ അടക്കം രോഗബാധയെ വേണ്ടത്ര ഗൗരവത്തില്ല കാണുന്നതെന്ന രാഷ്ട്രീയ പ്രതിസന്ധിയും ബ്രസീലി ലുണ്ട്. നിലവില് ലോക് ഡൗണിനെതിരെ ശക്തമായി വാദിക്കുന്ന നേതാവാണ് ജെയിര്.
റിയോയിലെ മാരക്കാന സ്റ്റേഡിയം 2014 ഫിഫ ലോകകപ്പിന്റെ ഫൈനലിനും 2016ലെ ഒളിമ്പിക്സിന്റെ സമാപന പരിപാടിയും അരങ്ങേറിയ വിശാലമായ ഫുട്ബോള് സ്റ്റേഡി യമാണ്. 1950ലാണ് സ്റ്റേഡിയം ഉദ്ഘാടനം ചെയ്യപ്പെട്ടത്.
