കറാച്ചി: ലോകകപ്പില് ഇന്ത്യയെ സമീപകാലത്തൊന്നും തോല്പ്പിക്കാനാകില്ലെന്ന് മുന് പാക് താരം. പാകിസ്താന് ക്രിക്കറ്റിലെ മധ്യനിരയിലെ മികച്ച ബാറ്റ്സ്മാനായിരുന്ന അബ്ദുള് റസാഖാണ് പാക് ക്രിക്കറ്റിന്റെ ദുരവസ്ഥയെ ചൂണ്ടിക്കാട്ടുന്നത്. 1990 കളിലെ നിലവാരത്തിലേക്ക് പാകിസ്താന് ഉടനെങ്ങും എത്തില്ലെന്നും സമീപകാലത്തൊന്നും ഇന്ത്യയുടെ പോരാട്ടവീര്യത്തെ മറികടക്കാനാകില്ലെന്നും റസാഖ് പറഞ്ഞു.1999, 2003, 2011 ലോകകപ്പില് പാക് ടീമില് റസാഖ് നിര്ണ്ണായക സാന്നിധ്യമായിരുന്നു.
1990കളില് ഇന്ത്യക്കെതിരെ വിജയിക്കാന് ഒരു പ്രയാസമില്ലാത്ത ടീമായിരുന്നു പാകിസ്താന്. കാരണം അന്ന് ടീമിലുണ്ടായിരുന്ന താരങ്ങളുടെ കഴിവും സ്ഥിരതയും അന്താരാഷ്ട്ര നിലവാരമുള്ളതായിരുന്നു. 1992ലെ ലോകചാമ്പ്യന്മാരായ പാകിസ്താന് 1999ല് വീണ്ടും ഫൈനലിലെത്തിയതും ചൂണ്ടിക്കാട്ടിയ റസാഖ് ഇന്ത്യക്കെതിരെ പാകിസ്താന് പക്ഷെ ലോകകപ്പില് ജയിക്കാറില്ലെന്ന വിരോധാഭാസവും ചൂണ്ടിക്കാട്ടി. ക്വാര്ട്ടറിലും സെമിയിലുമൊക്കെ ഇന്ത്യക്കെതിരെ പാകിസ്താന് തോല്ക്കുന്നത് സ്ഥിരം കാഴ്ചയാണ്. 1996ലും ഇതേ അവസ്ഥ അഭിമുഖീകരിച്ചതായും റസാഖ് കൂട്ടിച്ചേര്ത്തു.2000ലും ഇതേ അവസ്ഥ തുടരുകയാണെന്ന് പറഞ്ഞ റസാഖ് നിലവിലെ താരങ്ങളുടെ മേലുള്ള സമ്മര്ദ്ദമാണ് പാകിസ്താനെ തകര്ക്കുന്നതെന്നും കൂട്ടിച്ചേര്ത്തു.
