ലണ്ടന്: പ്രൊഫഷണല് രംഗത്തെ ഒരു കായിക മത്സരവും ജൂണിന് മുമ്പ് ഇംഗ്ലണ്ടില് നടത്താനാകില്ലെന്ന് റിപ്പോര്ട്ട്. അന്താരാഷ്ട്ര മാദ്ധ്യമങ്ങളാണ് ബ്രിട്ടീഷ് ഭരണകൂടത്തിന്റെ തീരുമാനം പുറത്തുവിട്ടിരിക്കുന്നത്. ലണ്ടന് കേന്ദ്രീകരിച്ച് നടക്കേണ്ട ഫുട്ബോള്, ക്രിക്കറ്റ്, ടെന്നീസ്, ബാഡ്മിന്റണ് മത്സരങ്ങളാണ് തല്ക്കാലത്തേക്ക് ഉടന് നടക്കില്ലെന്ന തീരുമാനം അറിയിച്ചിരിക്കുന്നത്. 50 പേജുകളുള്ള നിര്ദ്ദേശത്തിലാണ് സര്ക്കാര് കൊറോണ പ്രതിരോ ധത്തെ തുടര്ന്നുള്ള നിയന്ത്രണങ്ങള് പ്രസിദ്ധീകരിച്ചിരിക്കുന്നത്.
അടച്ചിട്ട സ്റ്റേഡിയത്തിലും മത്സരങ്ങള് നടക്കില്ലെന്നതാണ് പുതിയ തീരുമാനം. ജൂണ് മാസത്തില് നിലവിലെ രാജ്യത്തെ സാഹചര്യം പരഗണിച്ച് പുതിയ തീരുമാനം പുറത്തു വരുമെന്നാണ് മാദ്ധ്യമങ്ങള് അറിയിക്കുന്നത്.
ജനപ്രതിനിധി സഭയില് സംസാരിക്കവേ പ്രധാനമന്ത്രി ബോറിസ് ജോണ്സന് കളികള് അടച്ചിട്ട സ്റ്റേഡിയത്തില് ആരംഭിക്കുന്നത് വഴി രാജ്യത്തെ ജനങ്ങളുടെ ആത്മവിശ്വാസവും പ്രതീക്ഷയും വര്ദ്ധിക്കുമന്ന് അഭിപ്രായപ്പെട്ടിരുന്നു. എന്നാല് ജൂണ് ആദ്യവാരത്തിന് ശേഷമേ തീരുമാനം പറയാനാകൂ എന്നും വ്യക്തമാക്കി.
ഫുട്ബോള് പ്രീമിയര് ലീഗ് മത്സരങ്ങള് എന്ന് ആരംഭിക്കണം എന്നതിനെപ്പറ്റി ചര്ച്ചകള് നടക്കുകയാണ്. ലീഗിലെ അവസാന മത്സരം നടന്നത് മാര്ച്ച് 13-ാം തീയതിയായിരുന്നു. 380 മത്സരങ്ങളില് 92 എണ്ണം ഇനിയും പൂര്ത്തിയാക്കാനുണ്ട്. ഇതിനിടെ ക്രിക്കറ്റ് പ്രാദേശിക ലീഗുകള് ജൂലൈ ഒന്നിന് കണക്കാക്കി ഒരുക്കങ്ങള് നടക്കുകയാണ്. ജൂലൈ 19നും 26നും ഫോര്മുല വണ് കാറോട്ട മത്സരങ്ങള് ആരംഭിക്കുമെന്നും മാദ്ധ്യമങ്ങള് അറിയിച്ചു.