കായിക മത്സരങ്ങള്‍ നടത്താന്‍ അനുമതി; ആഭ്യന്തര വകുപ്പിന്റെ നിയന്ത്രണങ്ങള്‍ ബാധകമെന്ന് കായിക മന്ത്രി

ന്യൂഡല്‍ഹി: കൊറോണ നിയന്ത്രണങ്ങള്‍ പാലിച്ചുകൊണ്ടുള്ള കായിക മത്സരങ്ങള്‍ക്ക് അനുമതി നല്‍കി കേന്ദ്ര കായിക മന്ത്രാലയം. കായികവകുപ്പ് മന്ത്രി കിരണ്‍ റിജിജുവാണ് തീരുമാനം അറിയിച്ചത്. തന്റെ ട്വിറ്റര്‍ സന്ദേശത്തിലൂടെയാണ് തീരുമാനം പറഞ്ഞത്.

I'm happy to inform sportspersons and all concerned that sports activities will be conducted in sports complexes and stadia strictly in accordance with MHA guidelines and that of the States in which they are situated. However, use of gyms & swimming pools are still prohibited. pic.twitter.com/zDHECy09iF

— Kiren Rijiju (@KirenRijiju) May 18, 2020

‘ എല്ലാ കായിക മത്സരങ്ങളും സ്‌പോര്‍ട്‌സ് കോംപ്ലക്‌സുകളിലും സ്റ്റേഡിയങ്ങളിലും നടത്താമെന്ന വിവരം സന്തോഷപൂര്‍വ്വം അറിയിക്കുകയാണ്. എന്നാല്‍ മത്സരങ്ങളുടെ നടത്തിപ്പ് കേന്ദ്ര ആഭ്യന്തര മന്ത്രാലയത്തിന്റെ സുരക്ഷാ മാനദണ്ഡങ്ങള്‍ പാലിച്ചായിരിക്കണം. എന്നാല്‍ ജിമ്മുകള്‍ക്കും സ്വിമ്മിംഗ് പൂളുകള്‍ക്കും അനുമതി ലഭ്യമായിട്ടില്ല’ മന്ത്രി ട്വിറ്ററിലൂടെ വ്യക്തമാക്കി.

കാണികളില്ലാതെ നടത്തേണ്ട മത്സരങ്ങളെക്കുറിച്ച് ഇന്ത്യയില്‍ വിവിധ കായിക ഇനങ്ങളുടെ അസോസിയേഷനുകള്‍ക്ക് വിരുദ്ധ അഭിപ്രായമാണ്. ഐപിഎല്‍ ക്രിക്കറ്റ് മത്സരങ്ങള്‍ വിദേശതാരങ്ങളെക്കൂടി ആശ്രയിച്ചിരിക്കുന്നതിനാല്‍ അന്താരാഷ്‌ട്ര യാത്രാ നിയന്ത്രണം ഒരു തടസ്സമാണ്. നിലവില്‍ ലീഗ് ഫുട്‌ബോള്‍ മത്സരങ്ങള്‍ പൂര്‍ത്തിയാക്കിയതിനാല്‍ ഫുട്‌ബോളില്‍ തിരക്കില്ല. ടോക്കിയോ ഒളിമ്പിക്‌സ് അടുത്ത വര്‍ഷത്തേക്ക് ആക്കിയതിനാല്‍ നിലവില്‍ താരങ്ങളെല്ലാം പരിശീലനത്തില്‍ മാത്രമാണ് ശ്രദ്ധയൂന്നുന്നത്.