മലപ്പുറം: മലപ്പുറം ജില്ലയില് ഇന്ന് എട്ട് പേര്ക്ക് കൂടി കൊറോണ സ്ഥിരീകരിച്ചു. മുംബൈയില് നിന്നെത്തിയ തെന്നല തറയില് സ്വദേശി 36 കാരന്, ചെന്നൈയില് നിന്നെത്തിയ പൊന്നാനി ഈശ്വരമംഗലം സ്വദേശി 37കാരന്, മാലിദ്വീപില് നിന്നെത്തിയവരായ ഇരിമ്പിളിയം മങ്കേരി സ്വദേശി 36 കാരന്, ചുങ്കത്തറ പൂക്കോട്ടുമണ്ണ സ്വദേശി 46 കാരന്, സിങ്കപ്പൂരില് നിന്നെത്തിയ കൂട്ടിലങ്ങാടി കീരംകുണ്ട് സ്വദേശി 23 കാരന്.
അബുദബിയില് നിന്നെത്തിയ വെളിയങ്കോട് ഗ്രാമം സ്വദേശി 35കാരന്, കുവൈത്തില് നിന്നെത്തിയവരായ പാലക്കാട് നല്ലായ സ്വദേശി 39 കാരന്, തിരൂരങ്ങാടി പി.പി റോഡ് സ്വദേശി 29കാരന് എന്നിവര്ക്കാണ് മലപ്പുറം ജില്ലയില് രോഗബാധ സ്ഥിരീകരിച്ചത്. കോഴിക്കോട് മെഡിക്കല് കോളജില് ചികിത്സയില് കഴിയുന്ന ഡല്ഹിയില് നിന്നെത്തിയ രണ്ടത്താണി പൂവന്ചിന സ്വദേശി 20കാരനും കൊറോണ സ്ഥിരീകരിച്ചിട്ടുണ്ടെന്ന് ജില്ലാ കലക്ടറുടെ ചുമതലയുള്ള എ.ഡി.എം. എന്.എം. മെഹറലി അറിയിച്ചു.