നിങ്ങളുടെ ഡ്രൈവിങ് ലൈസൻസ് നഷ്ടപ്പെട്ടാൽ എന്ത് ചെയ്യും ; എങ്ങനെ ഡൂപ്ലിക്കേറ്റ് എടുക്കാം

വാഹനം ഓടിക്കാൻ ആവശ്യമായ ഡ്രൈവിങ് ലൈസൻസ് ഒരു ഐഡി പ്രൂഫ് കൂടി ആണ്. യാത്രക്കിടയിലോ , മറ്റോ ഈ ലൈസൻസ് നഷ്ടപ്പെട്ടുപോയാൽ നിങ്ങൾ എന്ത് ചെയ്യും. എങ്ങനെ ഡൂപ്ലിക്കേറ്റ് ലൈസൻസ് എടുക്കുമെന്ന് അറിയുമോ. ഓഫ്‌ലൈനിലും ഓൺലൈനിലും ലൈസൻസ് ലഭിക്കുവനായി അപേക്ഷ സമർപ്പിക്കാവുന്നതാണ്.

ഡ്രൈവിംഗ് ലൈസൻസിന്റെ നമ്പർ അറിയാമെങ്കിൽ നിങ്ങൾക്ക് വളരെ ലളിതമായി ഡ്യൂപ്ലിക്കേറ്റിന് അപേക്ഷിക്കാവുന്നതാണ്. ആദ്യം എൽ‌എൽ‌ഡി ഫോം പൂരിപ്പിച്ച് സമർപ്പിക്കണം. ലഭ്യമായ അപ്‌ലോഡ് ഓപ്ഷൻ വഴി ആവശ്യമായ എല്ലാ രേഖകളും അപ്‌ലോഡ് ചെയ്യുക. പൂരിപ്പിച്ച എൽ‌എൽ‌ഡി ഫോമിന്റെ പ്രിന്റൗട്ട് എടുത്ത് ആവശ്യമുള്ളിടത്ത് ഫോട്ടോഗ്രാഫുകൾ അറ്റാച്ചുചെയ്ത് ഫോമിൽ ഒപ്പിടുക.

ലൈസൻസ് നമ്പർ കൂടി ഉണ്ടെങ്കിൽ ഡ്രൈവിംഗ് ലൈസൻസ് ഡ്യൂപ്ലിക്കേറ്റിനായി ഓൺലൈൻ വഴി അപേഷിക്കാവുന്നതാണ്. ഡ്രൈവിംഗ് ലൈസൻസ് ഓൺലൈൻ വഴി അപേഷിക്കുന്നതിന് നിങ്ങൾ 500 രൂപ ഫീസായി നൽകേണ്ടതാണ്. ഓൺലൈൻ വഴി അപേഷിക്കുന്നതിന് ആദ്യം തന്നെ https://mvd.kerala.gov.in/ എന്ന വെബ്സൈറ്റ് പരിശോധിക്കുക. അതിൽ ലൈസൻസ് എന്ന ഓപ്‌ഷനിൽ ക്ലിക്ക് ചെയ്യുക.

ക്ലിക്ക് ചെയ്യുമ്പോൾ 10 ഓപ്‌ഷനുകൾ ലഭിക്കുന്നു. അതിൽ “Duplicate License” എന്ന ഓപ്‌ഷനിലും ക്ലിക്ക് ചെയ്യുക. തുടർന്ന് ഓപ്പണായി വരുന്ന വിൻഡോയിൽ മൂന്ന് കാര്യങ്ങളാണ് പൂരിപ്പിക്കേണ്ടത്. അതിൽ ആദ്യം നൽകിയിരിക്കുന്നത് നിങ്ങളുടെ റീജിയണൽ ട്രാൻസ്‌പോർട്ട് ഓഫീസ് ആണ്. ശേഷം നിങ്ങളുടെ നഷ്ടമായ ലൈസൻസിന്റെ നമ്പറും ജനന തീയതിയും നൽകുക. നിങ്ങളുടെ ഡേറ്റ് ഓഫ് ബർത്ത് തെളിയിക്കുന്ന എന്തെങ്കിലും പ്രൂഫ് നൽകുകയും വേണം.

ഇതിന് ശേഷം ആവശ്യമായ ഫീസ് അടച്ച് ഡൂപ്ലിക്കേറ്റ് ലൈസൻസിനായി അപേക്ഷിക്കാവുന്നതാണ്.