ചെന്നൈ: ബി.സി.സി.ഐ പ്രസിഡന്റും മുന് ഇന്ത്യന് നായകനുമായി ഗാംഗുലിയെ പ്രശംസിച്ച് മുന് നായകന് കൃഷ്ണമാചാരി ശ്രീകാന്ത്. ക്രിക്കറ്റ് ഇതിഹാസം മുന് വെസ്റ്റിന്ഡീസ് താരം ക്ലൈവ് ലോയിഡുമായിട്ടാണ് ഗാംഗുലിയെ ശ്രീകാന്ത് താരതമ്യം ചെയ്തത്. ഗാംഗുലി മികച്ച ക്യാപ്റ്റനും നേതൃത്വഗുണമുള്ളയാളുമാണ്. നയിക്കാനായി ജനിച്ച വ്യക്തിയാണയാള്. ഇന്ത്യക്ക് വിദേശമണ്ണില് ജയം നേടാനായത് ആ കഴിവുകൊണ്ട് മാത്രമാണെന്നും ശ്രീകാന്ത് ചൂണ്ടിക്കാട്ടി.
നിലവില് ബി.സി.സി.ഐയുടെ അധ്യക്ഷനായി പ്രവര്ത്തിക്കുന്ന സൗരവ് ഗാംഗുലി സ്ഥാനമേറ്റ് ഒരു വര്ഷം തികയും മുന്നേതന്നെ ഇന്ത്യന് ആഭ്യന്തര ക്രിക്കറ്റിലും ദേശീയടീമിന്റെ കാര്യത്തിലും ശക്തമായ ഇടപെടലാണ് നടത്തിയത്. ഐ.പി.എല് നടത്തുന്നകാര്യത്തിലും ഐ.സി.സിയുമായി ഗാംഗുലി നടത്തിയിരിക്കുന്ന സംഭാഷണങ്ങളിലും മുന്താരങ്ങള് വലിയ പ്രതീക്ഷയാണ് പുലര്ത്തുന്നത്. ആഭ്യന്തര ക്രിക്കറ്റില് പുതിയ താരങ്ങളെ വളര്ത്തുന്നതിലും നിലവിലെ താരങ്ങള്ക്ക് മികച്ചരീതിയില് വളരാനുള്ള അന്തരീക്ഷവും പ്രതിഫലവും നിര്ദ്ദേശിച്ചത് ഗാംഗിലിയാണ്. അന്താരാഷ്ട്ര ക്രിക്കറ്റ് കൗണ്സിലിന്റെ തലപ്പത്തേക്ക് ഗാംഗുലി വരണമെന്ന ആവശ്യം പല മുതിര്ന്ന താരങ്ങളും ആവശ്യപ്പെട്ടിരിക്കുകയാണ്.
ഇന്ത്യയുടെ 1980കളിലെ നായകനായിരുന്ന ശ്രീകാന്ത് ആ കാലഘട്ടത്തിലെ ഏറ്റവും വീറുള്ള നായകനും ഓപ്പണറുമായി തിളങ്ങിയ താരമാണ്. പാകിസ്താനെതിരെ ഇന്ത്യയെ നയിച്ച ശ്രീകാന്തിന്റെ കീഴിലാണ് സച്ചിന് ടെണ്ടുല്ക്കര് അരങ്ങേറ്റം കുറിച്ചത്.