അഹമ്മദാബാദ് : ഗുജറാത്തില്‍ കൊറോണ വൈറസ് വ്യാപനത്തിന്റെ പശ്ചാത്തലത്തില്‍ പുറപ്പെടുവിച്ച മാര്‍ഗ്ഗ നിര്‍ദ്ദേശങ്ങള്‍ ലംഘിച്ച മൗലവി അറസ്റ്റില്‍. പര്‍ദി നഗരത്തിലെ മദ്രസ അദ്ധ്യാപകനായ മൗലവി യൂസഫ് ഖലീഫ (64) യാണ് അറസ്റ്റിലായത്. ഇന്ന് വൈകീട്ടോടെയായിരുന്നു സംഭവം.
വല്‍സാദ് പോലീസാണ് യൂസഫിനെ അറസ്റ്റ് ചെയ്തത്. ലോക്ക് ഡൗണ്‍ ലംഘിച്ച ഇയാള്‍ വിദ്യാര്‍ത്ഥികള്‍ക്ക് ക്ലാസുകള്‍ നടത്തുന്നതായി പോലീസിന് രഹസ്യവിവരം ലഭിച്ചിരുന്നു. ഇതിന്റെ അടിസ്ഥാനത്തിലാണ് പോലീസ് ദമാനി ബസാറിലെ ഇയാളുടെ മദ്രസയില്‍ എത്തിയത്. 15 ലധികം വിദ്യാര്‍ത്ഥികളെ സാമൂഹിക അകലം പോലും പാലിക്കാതെ ചെറിയ മുറിയില്‍ ഇരുത്തിയാണ് ഇയാള്‍ ക്ലാസ് എടുത്തിരുന്നത്. യൂസഫോ പഠിക്കാന്‍ എത്തിയ വിദ്യാര്‍ത്ഥികളോ മാസ്‌ക് ധരിച്ചിരുന്നില്ല. തുടര്‍ന്നാണ് പോലീസ് ഇയാളെ അറസ്റ്റ് ചെയ്തത്.
ഇന്ത്യന്‍ ശിക്ഷാ നിയമത്തിലെ 188, 269, പകര്‍ച്ചവ്യാധി നിയമത്തിലെ സെക്ഷന്‍ 51 (ബി) എന്നിവ പ്രകാരമാണ് പോലീസ് കേസ് രജിസ്റ്റര്‍ ചെയ്തിരിക്കുന്നത്.
കൊറോണ വൈറസ് വ്യാപനത്തെ തുടര്‍ന്ന് പ്രദേശത്തെ മദ്രസയുള്‍പ്പെടെയുള്ള വിദ്യാഭ്യാസ കേന്ദ്രങ്ങള്‍ തുറന്ന് പ്രവര്‍ത്തിക്കരുതെന്ന് അധികൃതര്‍ നിര്‍ദ്ദേശം നല്‍കിയിരുന്നു എന്ന് പാര്‍ദി സബ് ഇന്‍സ്‌പെക്ടര്‍ എസ്ബി സാല പറഞ്ഞു. ഇതിന് പുറമേ ജില്ലാ മജിസ്ട്രറ്റ് മദ്രസകള്‍ ഉള്‍പ്പെടെയുള്ളവയ്ക്ക് നോട്ടീസും നല്‍കിയിരുന്നു. എന്നാല്‍ മൗലവി ഇത് ലംഘിച്ച് വിദ്യാര്‍ത്ഥികള്‍ക്ക് ക്ലാസ്സ് എടുത്തതെന്നും അദ്ദേഹം വ്യക്തമാക്കി.
POST YOUR COMMENTS
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.