ലണ്ടന്: യൂറോപ്യന് ലീഗിലെ മികച്ച ടീമുകള് മാറ്റുരയ്ക്കുന്ന ചാമ്പ്യന്സ് ലീഗില് ക്വാര്ട്ടര് മത്സരങ്ങള് ആഗസ്റ്റില് ആരംഭിക്കും. പോര്ച്ചുഗലിലാണ് ചാമ്പ്യന്സ് ലീഗിലെ ക്വാര്ട്ടര് മുതല് ഫൈനലടക്കം നടക്കുന്നത്. 12 ദിവസം കൊണ്ട് എല്ലാ മത്സരങ്ങളും പൂര്ത്തിയാകും വിധമാണ് മത്സരക്രമം തയ്യാറാക്കിയിട്ടുള്ളത്.
മാഞ്ചസ്റ്റര് സിറ്റിയുടെ എതിരാളി യുവന്റസാണോ അതോ ലയണാണോ എന്നുള്ളത് പൂര്ത്തി യാകാനുള്ള പ്രീക്വാര്ട്ടറോടുകൂടി അറിയാനാകും. ഇംഗ്ലീഷ് പ്രീമിയര് ലീഗിലെ ചെല്സി ബാഴ്സലോണയേയോ നാപ്പോളിയേയോ ആണ് നേരിടുക എന്നതും രണ്ടാംപാദ പ്രീക്വാര് ട്ടറില് തീരുമാനിക്കും. സെമിയിലേക്ക് കടന്നാല് ചെല്സിയും മാഞ്ചസ്റ്റര് സിറ്റിയും ഏറ്റുമുട്ടാനുള്ള സാധ്യതയും തെളിയുന്നുണ്ട്.
ഇതിനിടെ നിലവിലെ പ്രീമിയര് ലീഗ് ചാമ്പ്യന്മാരായ ലിവര്പൂളിനെ തകര്ത്ത അത്ലറ്റികോ മാഡ്രിഡ് ജര്മ്മനിയുടെ ആര്ബി ലീപ്സിഗിനെ ക്വാര്ട്ടറില് നേരിടുമെന്ന് ഉറപ്പായി. ഇറ്റാലിയന് ലീഗിലെ അത്ലാന്റാ ക്ലബ്ബ് ഫ്രഞ്ച് ലീഗിലെ വമ്പന്മാരായ പിഎസ്ജിയെയും നേരിടും.
ആഗസ്റ്റ് മാസം 12 മുതല് 15 വരെയാണ് ക്വര്ട്ടര് പോരാട്ടങ്ങള് നടക്കാന് പോകുന്നത്. ഇതിനിടെ പൂര്ത്തിയാക്കാനുള്ള പ്രീക്വാര്ട്ടര് മത്സരങ്ങള് ആഗസ്റ്റ് 7നും 8നുമായി നടക്കും. സെമിഫൈനല് നടക്കുന്നത് 18നും 19നുമാണ്. ചാമ്പ്യന്സ് ലീഗ് ഫൈനല് ആഗസ്റ്റ് 23നാണ് അരങ്ങേറുക.
