മുംബൈ: ബോളിവുഡ് നടൻ സുശാന്ത് സിംഗ് രാജ്പുത്തിന്റെ ആത്മഹത്യയിൽ സി.ബി.ഐ അന്വേഷണം വേണമെന്ന ആവശ്യം ശക്തമാകുന്നു. സുശാന്ത് സിംഗ് ആത്മഹത്യ ചെയ്തതല്ലെന്നും മരണത്തിന്റെ പിന്നിൽ ഗൂഢാലോചനയുണ്ടെന്നുമാണ് സുശാന്തിന്റെ ആരാധകരുടെ ആവശ്യം. ഇത് സംബന്ധിച്ച് സാമൂഹ്യ മാദ്ധ്യമങ്ങളിൽ വലിയ പ്രചാരണമാണ് നടക്കുന്നത്.
സുശാന്തിന്റെ പെൺസുഹൃത്തായ റിയ ചക്രവർത്തിക്കെതിരേയും ആരോപണം ഉയരുന്നുണ്ട്. റിയയും പ്രമുഖ നിർമ്മാതാവും സംവിധായകനുമായ മഹേഷ് ഭട്ടും തമ്മിലുള്ള സൗഹൃദം സുശാന്തിന്റെ ആത്മഹത്യയുമായി ബന്ധമുണ്ടോ എന്ന് പരിശോധിക്കണമെന്നും ആവശ്യം ഉയരുന്നുണ്ട്. മഹേഷ് ഭട്ടൂം റിയ ചക്രവർത്തിയും തമ്മിലുള്ള പഴയ ചിത്രങ്ങളും ഇതിനൊപ്പം പ്രചരിക്കുന്നുണ്ട്.
സുശാന്തും റിയയും തമ്മിലുള്ള ബന്ധത്തിൽ മഹേഷ് ഭട്ട് ഇടപെട്ടതെന്തിനെന്നും ചോദ്യം ഉയർത്തുന്നുണ്ട്. മഹേഷ് ഭട്ട് നായികമാരോട് മോശമായാണ് പെരുമാറുന്നതെന്നും സുശാന്ത് ആരാധകർ ചൂണ്ടിക്കാണിക്കുന്നുണ്ട്. നേരത്തെ മഹേഷ് ഭട്ടിനെതിരെ ഇതേ ആരോപണവുമായി കങ്കണ റണൗട്ടും രംഗത്തെത്തിയിരുന്നു.
