ലണ്ടന്: ചാമ്പ്യന്മാരായി ലിവര്പൂളിനെ തീരുമാനിച്ചു കഴിഞ്ഞ ഇംഗ്ലീഷ് പ്രീമിയര് ലീഗ് സീ സണ് ഈ മാസം അവസാനിക്കും. ഇനി അവശേഷിക്കുന്നത് 17 മത്സരങ്ങള് മാത്രം. ഇന്നു നടക്കുന്ന രണ്ടു മത്സരങ്ങളില് ഷെഫീല്ഡ് യൂണൈറ്റഡ് എവര്ട്ടണിനേയും ബ്രൈറ്റണ് ന്യൂ കാസിലിനേയും നേരിടും. നാളെ വൂള്വ്സ് ക്രിസ്റ്റല്പാലസുമായും വാട്ട്ഫോഡ് മാഞ്ചസ്റ്റര് സിറ്റിയുമായും പോരാടും.
നിലവില് ഒന്നാംസ്ഥാനക്കാരായ ലിവര്പൂളിന് ചെല്സിക്കെതിരേയും ന്യൂകാസിലി നെതിരേയും മത്സരം ബാക്കിയുണ്ട്. പോയിന്റ് നില മെച്ചപ്പെടുത്താന് മാഞ്ചസ്റ്റര് സിറ്റിയക്ക് വാട്ട്ഫോഡുമായും നോര്വിച്ച് സിറ്റിയുമായും കളി ജയിക്കണം. എഫ്.എ കപ്പില് ആഴ്സണ ലിനോട് ഏറ്റ പരാജയത്തിന്റെ ക്ഷീണത്തിലാണ് സിറ്റി. ലീഗിലെ മുന്നിരക്കാരില് ലെസ്റ്റര് സിറ്റിയ്ക്ക് കരുത്തരായ മാഞ്ചസ്റ്റര് യുണൈറ്റഡുമായി ഒരു മത്സരം ബാക്കിയുണ്ട്. നിലവില് ലീഗില് ലെസ്റ്റര് നാലാമതും യുണൈറ്റഡ് അഞ്ചാമതുമാണ്.