മാഡ്രിഡ്: റയല് മാഡ്രിഡ് സ്ട്രൈക്കര് മാരിയാനോ ഡയസിന് കൊറോണ സ്ഥിരീകരിച്ചു. അടുത്തയാഴ്ച്ച നടക്കേണ്ട മാഞ്ചസ്റ്റര് സിറ്റിക്കെതിരായ ചാമ്പ്യന്സ് ലീഗ് മത്സരത്തിന് മുന്പാണ് മാരിയാനോ ഡയസിന് രോഗബാധ സ്ഥിരീകരിച്ചിരിക്കുന്നത്. വൈറസ് ബാധ പോസിറ്റീവായതിനെ തുടര്ന്ന് ഡയസ് മത്സരത്തില് പങ്കെടുക്കില്ലെന്നാണ് റിപ്പോര്ട്ടുകള്.
കഴിഞ്ഞ ദിവസമാണ് താരങ്ങള്ക്കായി കൊറോണ പരിശോധന നടത്തിയത്. ഇന്ന് താരങ്ങളുടെ കൊറോണ പരിശോധനാ ഫലം ലഭിച്ചപ്പോഴാണ് മാരിയാനോ ഡയസിന് രോഗബാധ സ്ഥിരീകരിച്ചത്. താരത്തിന്റെ ആരോഗ്യ നില തൃപ്തികരമാണെന്നും വീട്ടില് ഐസോലേഷനില് കഴിയുകയാണ് അദ്ദേഹമെന്നും അധികൃതര് അറിയിച്ചു.
ആദ്യ പാദത്തില് മാഞ്ചസ്റ്റര് സിറ്റിയോട് 2-1 ന്റെ തോല്വി ഏറ്റുവാങ്ങിയ റയലിന് ഇനി നടക്കാനിരിക്കുന്ന മത്സരം ഏറെ നിര്ണായകമാണ്.