മിലാന്: സിരി ഏയില് ക്രിസ്റ്റ്യാനോ റൊണാള്ഡോയ്ക്ക് നിരാശ. കാഗ്ലിയാരി യുവന്റസിനെ അട്ടിമറിച്ചതാണ് ഇരട്ട പ്രഹരമായത്. സിരി ഏയില് കൂടുതല് ഗോളുകള് നേടാനുള്ള അവസരമാണ് റൊണാള്ഡോ കളഞ്ഞുകുളിച്ചത്. കളിയില് 2-0നാണ് യുവന്റസിനെ കാഗ്ലിയാരി ഞെട്ടിച്ചത്.
കളിയുടെ എട്ടാം മിനിറ്റില്ത്തന്നെ ഗാഗ്ലിയാനോ ആദ്യഗോള് നേടി. ആദ്യ പകുതിയില്ത്തന്നെ കാഗ്ലിയാരി യുവന്റസിന് മേലുള്ള ലീഡ് ഉയര്ത്തി. സിമിയോണെയാണ് 47-ാം മിനിറ്റില് ഗോള് നേടിയത്. ജയത്തോടെ യുവന്റസിന് പോയിന്റ് നിലയില് മുന്നേറാനുള്ള അവസരവും നഷ്ടമായി. ഇന്റര് മിലാനുമായി ഇനി നാലു പോയിന്റ് മാത്രമാണ് അകലമുള്ളത്.
ഗോല്ഡന് ബൂട്ട് സാധ്യത മാറിമറിയുന്ന കാഴ്ചയാണ് കാണുന്നത്. യുറോപ്പിലെ യുവേഫാ ഗോള്വേട്ടക്കാരില് ലെവന്ഡോവസ്കിയെ മറികടന്ന് സിരി ഏയിലെ ലാസിയോയുടെ താരം സിര്കോ ഇമോബിലേയാണ് 35 ഗോളുമായി രംഗത്തുള്ളത്. ക്രിസ്റ്റ്യാനോയ്ക്ക് 31 ഗോളുകള് മാത്രമേ അടിക്കാനായുള്ളു. ലെവന്ഡോവ്സ്കി 34 ഗോളുകളാണ് നേടിനില്ക്കുന്നത്.
