ലഖ്നൗ: യോഗി ആദിത്യനാഥിന്റെ ഇന്നു നടക്കേണ്ടിയിരുന്ന അയോദ്ധ്യ യാത്ര മാറ്റിവച്ചു. ക്യാബിനറ്റ് മന്ത്രിയായ കമലാ റാണി വരുണിന്റെ ആകസ്മിക നിര്യാണത്തെ തുടര്ന്നാണ് യാത്ര മാറ്റിയത്. ശ്രീരാമക്ഷേത്രത്തിന്റെ പുനര് നിര്മ്മാണത്തിനായുള്ള തറക്കല്ലിടല് ചടങ്ങിന്റെ ഒരുക്കം വിലയിരുത്താനായിട്ടാണ് യോഗി ആദിത്യനാഥ് ഇന്ന് സന്ദര്ശനം നടത്താനിരുന്നത്. അയോദ്ധ്യാ നഗരം കനത്ത സുരക്ഷയിലാണ്.
ആഗസ്റ്റ് അഞ്ചിന് ശ്രീരാമക്ഷേത്ര തീര്ത്ഥ ട്രസ്റ്റിന്റെ നേതൃത്വത്തിലാണ് ചടങ്ങ് സംഘടി പ്പിച്ചിട്ടുള്ളത്. പ്രധാനമന്ത്രി നരേന്ദ്രമോദി നേരിട്ട് സംബന്ധിക്കുന്ന ചടങ്ങിന്റെ വിലയിരു ത്തലിനാണ് യോഗി ആദിത്യനാഥ് ഇന്ന് എത്താനിരുന്നത്. കൊറോണാ പ്രോട്ടോക്കോള് പൂര്ണ്ണമായും പാലിച്ചുകൊണ്ടാണ് ചടങ്ങ് തീരുമാനിച്ചിരിക്കുന്നത്. സുരക്ഷ പ്രമാണിച്ച് വളരെ കുറച്ച് പേരെ മാത്രമേ പ്രവേശിപ്പിക്കൂ എന്ന് ഉത്തര്പ്രദേശ് ഭരണകൂടം മുന്നേ തീരുമാനി ച്ചിരുന്നു. തറക്കല്ലിടുന്ന ചടങ്ങില് ശിലയ്ക്കൊപ്പം ഇന്ത്യയിലെ മുപ്പതിലേറെ പുണ്യസ്ഥല ങ്ങളിലേയും വീരന്മാരുടെ ജന്മസ്ഥാനങ്ങളിലേയും മണ്ണും പുണ്യനദികളിലെ തീര്ത്ഥ ജലവും എത്തിക്കഴിഞ്ഞു.
അയോദ്ധ്യയിലെ പ്രധാനവീഥികളുടെ വശങ്ങളെല്ലാം ഹിന്ദുദേവീദേവന്മാരുടെ ചിത്രങ്ങളാല് പ്രദേശവാസികള് അലങ്കരിച്ചാണ് തറക്കല്ലിടല് ചടങ്ങിനായി ഒരുങ്ങിയിരിക്കുന്നത്. ലോകം മുഴുവനുള്ള ഹൈന്ദവസമൂഹം വീടുകളില് ശ്രീരാമന്റെ ചിത്രം വച്ച് വിളക്കുകള് കത്തിച്ച് അഞ്ചാം തീയതി ചടങ്ങിന്റെ ഭാഗമാകണമെന്ന അഭ്യര്ത്ഥന ഹിന്ദുസംഘടനകള് നല്കിയി രിക്കുകയാണ്.
പൂജാരിമാരും സന്യാസിമാരും ക്ഷേത്രട്രസ്റ്റ് ഭാരവാഹികളുമാണ് പ്രധാനമായും പങ്കെടുക്കുക. സംസ്ഥാന കേന്ദ്രമന്ത്രിമാരില് വളരെ ചുരുക്കം പേര്ക്കൊപ്പം ആര്.എസ്.എസ്. സര്സംഘചാലക് മോഹന് ഭാഗവത് പ്രധാനമന്ത്രിയ്ക്കൊപ്പം ചടങ്ങില് സന്നിഹിതനായിരിക്കും. 2019 നവംബര് 9നാണ് അയോദ്ധ്യ ക്ഷേത്ര ഭൂമി ഹിന്ദു ആരാധനാലയം ആക്കാനുള്ള അനുമതി സുപ്രിംകോടതി നല്കിയത്.
