ഒരു ഭാരതീയൻ എന്ന രീതിയിൽ നമുക്ക് അഭിമാനിക്കാവുന്ന ലോകശ്രദ്ധയാർജ്ജിച്ച അഞ്ചു അപൂർവ ഘടകങ്ങൾ ചുവടെ ചേർക്കുന്നു
1 . സർദാർ പട്ടേൽ സ്റ്റേഡിയം
ലോകത്തിലെ ഏറ്റവും വലിയ ക്രിക്കറ്റ് സ്റ്റേഡിയം അഹമ്മദാബാദിൽ സ്ഥിതി ചെയ്യുന്ന സർദാർ പട്ടേൽ സ്റ്റേഡിയം ആണ് . അറുപത്തി മൂന്നേക്കറിൽ പരന്നു കിടക്കുന്ന സ്റ്റേഡിയത്തിൽ ഒരുലക്ഷത്തിപതിനായിരം സീറ്റുകൾ ആണുള്ളത് . മുൻപത്തെ ഏറ്റവും വലിയ ക്രിക്കറ്റ് സ്റ്റേഡിയം ആയിരുന്ന ഓസ്ട്രേലിയയിലെ മെൽബൺ ക്രിക്കറ്റ് സ്റ്റേഡിയത്തെക്കാൾ പതിനായിരം സീറ്റുകൾ അധികം സ്ഥാപിച്ചു കൊണ്ടാണ് സർദാർ പട്ടേൽ സ്റ്റേഡിയം ലോകത്തെ ഏറ്റവും വലിയ സ്റ്റേഡിയം എന്ന തലത്തിലേക്ക് ഉയർന്നത് . നിർമ്മാണവേളയിൽ വെല്ലുവിളിയായിരുന്നത് 1,10000 പേർക്കും യാതൊരു തടസവും കൂടാതെ ഫീൽഡും പിടിച്ചും കാണുവാൻ സാധിക്കണം എന്നുള്ളതായിരുന്നു . ഒരു ബോളിന്റെ ആകൃതിയിൽ ഉള്ള സ്റ്റേഡിയത്തിൽ രണ്ടു ടൈറുകളിലായാണ് സീറ്റുകൾ ഒരുക്കിയിരിക്കുന്നത് . കളികൾ കാണാൻ എത്തുന്നവർ സ്റ്റേഡിയത്തിന്റെ വടക്ക് ഭാഗത്ത് കൂടി 12 മീറ്റർ ഉയരമുള്ള റാംപിൽ കൂടി നടന്നു വേണം ഒന്നാം നിലയിലെത്താൻ . സ്റ്റേഡിയത്തിൽ 76 കോർപ്പറേറ്റ് ബോക്സുകളും , 4 ടീം ഡ്രെസ്സിങ് റൂമുകളും , മൂന്ന് പ്രാക്ടീസ് ഗ്രൗണ്ടുകളും , ഇൻഡോർ ക്രിക്കറ്റ് അക്കാഡമിയും , 55 മുറികളുള്ള ക്ലബ് ഹൗസുകളും ഉൾപ്പെടുന്നു .
2 . ജടായു പാറ
രാമായണത്തിലെ കഥാപാത്രമായ ജടായുവിന്റെ കല്ലിൽ തീർത്ത ശില്പമാണ് ലോകത്തിലെ ഏറ്റവും വലിയ പക്ഷി പ്രതിമ . കേരളത്തിലെ കൊല്ലം ജില്ലയിലെ ചടയമംഗലത്തുള്ള ജടായു നേച്ചർ പാർക്കിലാണ് ഈ ശില്പം സ്ഥിതി ചെയ്യുന്നത് . സമുദ്രനിരപ്പിൽ നിന്ന് 1200 അടി മുകളിലാണ് ജടായു പാറ സ്ഥിതി ചെയ്യുന്നത് . ശില്പത്തിന് 200 അടി നീളവും , 150 അടി വീതിയും , 70 അടി ഉയരവും , 15000 ചതുരശ്ര അടി തറ വിസ്തീർണ്ണവും ഉണ്ട്. ഈ ശില്പത്തിന്റെ നിർമ്മാണം സംവിധായകൻ രാജീവ് അഞ്ചലിന്റെ നേതൃത്വത്തിലായിരുന്നു. .
3 . എനി ടൈം പിസ്സ മെഷീൻ
ഇന്ത്യൻ റെയിൽവേ കാറ്ററിംഗ് ആൻഡ് ടൂറിസം , മുംബൈയിലെ അഞ്ച് ലോക്കൽ സ്റ്റേഷനുകളിൽ എനി ടൈം പിസ്സ മെഷീനുകൾ 2019 ജനുവരിയിൽ സ്ഥാപിക്കുകയുണ്ടായി . സ്റ്റേഷൻ സന്ദർശിക്കുന്ന യാത്രക്കാർക്ക് മിതമായ നിരക്കിൽ പിസ്സ, ഈ മെഷീനുകൾ വഴി ലഭിക്കും . ഇന്ത്യൻ റയിൽവെയുടെ പിസ്സ വെൻഡിങ് മെഷീൻ സ്ഥാപിക്കുന്ന ഇന്ത്യയിലെ ആദ്യ സ്റ്റേഷൻ ആണ് മുംബൈലുള്ളത് . യാത്രക്കാർക്ക് ഇഷ്ടമുള്ള പിസ്സ മിതമായ നിരക്കിൽ നിമിഷങ്ങൾക്കുള്ളിൽ മെഷീൻ നിർമ്മിച്ച് നൽകും . പിസ്സ വെൻഡിങ് മെഷീൻ ലോകത്ത് പല രാജ്യങ്ങളിലും ഇതിനു മുൻപ് തന്നെ ഉണ്ടായിരുന്നു. എന്നാൽ ഇന്ത്യയിൽ ഇത് ആദ്യത്തെ സംഭവമാണ് .
4 . ഇന്ത്യയിലെ ആദ്യത്തെ അണ്ടർവാട്ടർ ട്രെയിൻ
ഇന്ത്യയിലെ ആദ്യത്തെ അണ്ടർവാട്ടർ ട്രെയിനിന്റെ നിർമ്മാണ പ്രവർത്തനങ്ങൾ കൊൽക്കത്തയിലെ ഹൂഗ്ലി നദിക്കടിയിൽ നടന്ന് കൊണ്ടിരിക്കുന്നു . കേന്ദ്ര റെയിൽ ഗതാഗത മന്ത്രിയുടെ പ്രസ്താവന അനുസരിച്ചു ഉടൻ തന്നെ സർവീസ് ആരംഭിക്കാൻ സാധിക്കും എന്നാണ് നിഗമനം . 16 കിലോമീറ്റർ നീളമുള്ള റെയിൽ പാതയുടെ , സാൾട്ട് ലേക്ക് സെക്ടർ -5 മുതൽ സാൾട്ട് ലേക്ക് സ്റ്റേഡിയം വരെയുള്ള പദ്ധതിയുടെ ആദ്യ ഘട്ടം ഏകദേശം പൂർത്തിയായി, ഉടൻ തന്നെ ഇത് പ്രവർത്തനക്ഷമമാകും.
5 . 24 മണിക്കൂർ പ്രവർത്തിക്കുന്ന നളന്ദ ക്യാമ്പസ്
റായ്പൂരിൽ സ്ഥിതി ചെയ്യുന്ന നളന്ദ ക്യാമ്പസ് ആണ് , ഏഴ് ദിവസവും ഇരുപത്തിനാല് മണിക്കൂറും സേവനം ലഭ്യമാക്കുന്ന ആദ്യത്തെ വിദ്യാഭ്യാസ സ്ഥാപനം . നളന്ദ പരിസർ എന്ന് നാമകരണം ചെയ്തിട്ടുള്ള ക്യാമ്പസ്സിൽ ലൈബ്രറി , ഹൈ സ്പീഡ് ഇന്റർനെറ്റ് , കമ്പ്യൂട്ടറുകൾ , ഇ – ലൈബ്രറി , ബാസ്കറ്റ്ബാൾ കോർട്ട് , കഫെറ്റീരിയ , എ ടി എം , സ്റ്റേഷനറി കട എന്നിവയുടെ സേവനം വിദ്യാർത്ഥികൾക്ക് ഇരുപത്തിനാല് മണിക്കൂറും ലഭ്യമാണ് . വിദ്യാർത്ഥികൾക്ക് എപ്പോൾ വേണമെങ്കിലും സൗകര്യം അനുസരിച്ചു ഇവിടെ വന്നു സേവനങ്ങൾ ഉപയോഗിക്കാവുന്നതാണ് .