അനാരോഗ്യകരമായ ശീലങ്ങളാണ് മൈഗ്രേൻ എന്ന അസുഖത്തിന് കാരണം. മൈഗ്രേൻ ചികിത്സിച്ച് മാറ്റുന്നതിന് മരുന്ന് ഒരു ഉപാധിയാണെങ്കിലും സ്വയം ശ്രദ്ധിക്കുന്നതും മൈഗ്രേൻ ഉണ്ടാകുന്ന സമയം എങ്ങനെയാണ് കൈകാര്യം ചെയ്യേണ്ടതെന്നും മനസിലാക്കുകയാണ് വേണ്ടത്. നല്ല ആരോഗ്യശീലങ്ങൾ തിരഞ്ഞെടുക്കത്തിലൂടെ മൈഗ്രേൻ ഉണ്ടാവാനുള്ള സാധ്യതയും വേദനയുടെ അളവും കുറയുന്നു.
മൈഗ്രേൻ ഉള്ള സമയങ്ങളിൽ ശാന്തമായ അന്തരീക്ഷം തിരഞ്ഞെടുക്കുക എന്നതാണ് ഏറ്റവും വലിയ ചികിത്സ ഉപാധി. ശബ്ദവും പ്രകാശവും ഉള്ള അന്തരീക്ഷം മൈഗ്രേൻ കൂടുതൽ ആകാൻ കാരണമാകുന്നു. അതിനാൽ തന്നെ ഇരുണ്ട മുറിയിൽ വിശ്രമിക്കുക. കഴിയുമെങ്കിൽ ഉറങ്ങാൻ ശ്രമിക്കുക.
കഴുത്തിലും തലയിലും ചെറിയ രീതിയിൽ അമർത്തുക. വേദനയുടെ സംവേദനത്തെ മന്ദീഭവിപ്പിക്കാനും പിരിമുറുക്കമുള്ള പേശികളെ വിശ്രമത്തിലാക്കാനും ഇങ്ങനെ ചെയ്യുന്നതിലൂടെ സാധ്യമാകും.
കഫീൻ അടങ്ങിയ പാനീയങ്ങൾ കുടിക്കുന്നത് മൈഗ്രേൻ കുറയാൻ കാരണമാകും.ഉറക്കത്തിനായി ഒരു സമയക്രമം നിലനിർത്തുക. എല്ലാ ദിവസവും ഒരേ സമയത്ത് തന്നെ ഉണരുക, ഉറങ്ങുക. പകൽ ഉറങ്ങുന്ന ശീലം ഉള്ള ആളാണെങ്കിൽ പകൽ ഉറക്കത്തിന്റെ ദൈർഘ്യം കുറയ്ക്കുക, 20 മുതൽ 30 മിനിറ്റിൽ കൂടുതൽ ഉറങ്ങാതിരിക്കുക.
ഉറങ്ങാൻ പോകുന്നതിന് മുമ്പ് അധികം ഭക്ഷണം കഴിക്കാതിരിക്കുക. അത് പോലെ തന്നെ കഠിനമായ വ്യായാമം, കഫീൻ, നിക്കോട്ടിൻ, മദ്യം എന്നിവ ഉറക്കത്തെ തടസ്സപ്പെടുത്തുന്നു.
ഉറക്കം വരുമ്പോൾ മാത്രം ഉറങ്ങാൻ കിടക്കുക. ഉറങ്ങാൻ ശ്രമിക്കുന്തോറും ഉണർന്നിരിക്കാനുള്ള സാധ്യത വർധിക്കുന്നു.
എല്ലാ ദിവസവും ഒരേ സമയത്ത് തന്നെ ഭക്ഷണം കഴിക്കാൻ ശ്രമിക്കുക. ഭക്ഷണം ഒഴിവാക്കാതിരിക്കുക. ഏതൊക്കെ ഭക്ഷണം കഴിച്ചാൽ ആണ് മൈഗ്രേൻ ഉണ്ടാവുന്നത് എന്ന് ശ്രദ്ധിക്കുകയും പിന്നീടുള്ള ഭക്ഷണക്രമത്തിൽ അവ ഒഴിവാക്കുകയും ചെയ്യുക.
വ്യായാമങ്ങളിൽ ഏർപ്പെടുന്നതുമൂലം തലച്ചോറിലേക്കുള്ള വേദന സിഗ്നലുകളെ തടയുന്ന ചില രാസവസ്തുക്കളെ ശരീരം ഉൽപ്പാദിപ്പിക്കുന്നു. മൈഗ്രേൻ കൂടുതൽ ആകാൻ കാരണമാകുന്ന ഉത്കണ്ഠയും വിഷാദവും ലഘൂകരിക്കാനും ഈ രാസവസ്തുക്കൾ സഹായിക്കുന്നു.
അമിതവണ്ണം വിട്ടുമാറാത്ത തലവേദനയ്ക്ക് കാരണമാകുന്നു. അതിനാൽ വ്യായാമത്തിലൂടെയും ഭക്ഷണത്തിലൂടെയും ആരോഗ്യകരമായ ഭാരം നിലനിർത്തുന്നത് നല്ലതാണ്.
സമ്മർദ്ദവും മൈഗ്രേനും ഒരേ പാതയിലൂടെ സഞ്ചരിക്കുന്നു. ഒരാളുടെ ജീവിതത്തിൽ സമ്മർദ്ദം ഉഴിവാക്കാൻ സാധിച്ചില്ലെങ്കിലും അവയെ നിയന്ത്രിക്കാൻ നിങ്ങൾക്ക് ആകും.
എപ്പോഴും പോസിറ്റീവ് ആയിരിക്കുക. “ഇത് ചെയ്യാൻ കഴിയില്ല” എന്നതിന് പകരം “ഇത് കഠിനമായിരിക്കും, പക്ഷെ എനിക്ക് ഇത് ചെയ്യാൻ കഴിയും” എന്ന് ചിന്തിക്കുക.
എല്ലാ ദിവസവും കുറഞ്ഞത് 15 മിനിറ്റ് നിങ്ങളുടെ മനസിനെ സന്തോഷമാക്കുന്ന കാര്യങ്ങൾക്ക് വേണ്ടി മാറ്റിവെക്കുക.
മൈഗ്രേൻ എന്നത് ഒരു വെല്ലുവിളി ആണെങ്കിലും കൃത്യമായ ആരോഗ്യക്രമം പാലിക്കുന്നതിലൂടെ മൈഗ്രേൻ ഉണ്ടാവാനുള്ള സാധ്യത കുറയ്ക്കാൻ സാധിക്കും.
Comments