വളര്ത്തു മൃഗങ്ങള് എല്ലായ്പ്പോഴും സമൂഹമാദ്ധ്യമങ്ങളില് ശ്രദ്ധ നേടാറുണ്ട്. പൂച്ചകളും നായകളുമാണ് അതില് മുന്നില്. പലരുടെയും ഇഷ്ട വളര്ത്തുമൃഗങ്ങളും ഇവര് തന്നെ. ഇവയുടെ കുസൃതികള് ആസ്വദിക്കാത്തവരും വളരെ ചുരുക്കം. പലപ്പോഴും ഇവയുടെ വീഡിയോകള് ഇന്റര്നെറ്റ് ലോകത്ത് കൈയ്യടി നേടാറുണ്ട്.
ഇപ്പോഴിതാ പൂച്ചയുടെയും നായയുടെയും പുതിയൊരു വീഡിയോ ശ്രദ്ധേയമാവുകയാണ്. ടോം ആന്റ് ജെറി പോലെ ഇവിടെയും വില്ലന് പൂച്ച തന്നെ. എന്നാല് ഇവിടത്തെ പൂച്ച ടോമിനോളം വരില്ല. കുസൃതി ആണെങ്കിലും ആളൊരു പാവത്താനാണ്. കൂടെയുള്ള നായ അതിനേക്കാള് പാവവും. വെളുത്ത നിറമുള്ള പൂച്ചയും കറുത്ത നിറമുള്ള നായയുമാണ് ഇവിടത്തെ താരങ്ങള്.
പാവത്താനായ ഈ നായയെ പൂച്ച പിടിച്ച് വലിക്കുന്നതാണ് വീഡിയോയില്. സോഫയില് ശാന്തനായി കിടന്നുകൊണ്ടാണ് പൂച്ച തന്റെ മുന്നില് തറയിലിരിക്കുന്ന നായയുടെ പിങ്ക് ടി-ഷര്ട്ടില് പിടിച്ചുവലിക്കുന്നത്. പാവം നായ എഴുന്നേറ്റ് പോകാന് ശ്രമിക്കുമ്പോള് പൂച്ച പിന്നെയും പിറകിലേയ്ക്ക് പിടിച്ച് വലിക്കുന്ന ദൃശ്യമാണ് വീഡിയോയിലുള്ളത്. തല അല്പം പോലും ഉയര്ത്താതെ ചരിഞ്ഞു കിടന്നുകൊണ്ടാണ് പൂച്ചയുടെ ഈ അഭ്യാസം. പൂച്ചയുടെ ഈ അഭ്യാസവും നായയുടെ നിസ്സഹായവസ്ഥയും കാഴ്ച്ചക്കാരെ പൊട്ടിച്ചിരിപ്പിക്കുകയാണ്.
ഔട്ട് ഓഫ് കോണ്ടെക്സ്റ്റ് ക്യാറ്റ്സ് എന്ന ട്വിറ്റര് അക്കൗണ്ടിലൂടെയാണ് വീഡിയോ പങ്കുവെച്ചിരിക്കുന്നത്. പങ്കുവെച്ച് നിമിഷ നേരം കൊണ്ട് തന്നെ വീഡിയോ വൈറലായി. ഇതുവരെ 153.6k പേരാണ് വീഡിയോ കണ്ടിരിക്കുന്നത്. നിരവധി രസകരമായ കമന്റുകളും വീഡിയോക്ക് ലഭിച്ചിട്ടുണ്ട്. ഇതിന് മുന്പും ഔട്ട് ഓഫ് കോണ്ടെക്സ്റ്റ് ക്യാറ്റ്സിന്റെ ട്വിറ്റര് പേജിലെ പോസ്റ്റുകള് വാര്ത്തകളില് ഇടംപിടിച്ചിട്ടുണ്ട്. വിവിധയിനം പൂച്ചകളുടെ കുസൃതികളും രസകരമായ വീഡിയോകളുമാണ് ഈ പേജില് പങ്കുവെയ്ക്കുന്നത്.
— out of context cats (@catoutofcontxt) August 6, 2020
Comments