മുംബൈ: ഇന്ത്യന് പ്രീമിയര് ലീഗിന്റെ ടൈറ്റില് സ്പോണ്സര്ഷിപ്പ് സ്വന്തമാക്കി ഡ്രീം ഇലവന്. മൂന്ന് വര്ഷത്തേക്കുള്ള കരാറിലാണ് ഡ്രീം ഇലവന് ഒപ്പിട്ടിരിക്കുന്നത്. 222 കോടി രൂപയ്ക്കാണ് ഈ വര്ഷത്തെ കരാര്. നിലവില് ഐപിഎല്ലിന്റെ സഹ സ്പോണ്സറാണ് ഡ്രീം ഇലവന്.
മൂന്നു വര്ഷത്തേക്കാണ് ഡ്രീം ഇലവന് സ്പോണ്സര്ഷിപ്പ് അവകാശം സ്വന്തമാക്കിയിരിക്കുന്നത്. ഈ വര്ഷം 222 കോടിയും തുടര്ന്നുള്ള രണ്ട് വര്ഷങ്ങളില് 240 കോടി രൂപ വീതവുമുള്ള കരാറിലൂടെയാണ് ഡ്രീം ഇലവന് ഐപിഎല്ലിന്റെ ടൈറ്റില് സ്പോണ്സറാകുന്നത്. ഇതോടെ പ്രതിവര്ഷം ശരാശരി 234 കോടി രൂപയാണ് ഡ്രീം ഇലവന് ചെലവിടുന്നത്.
ബൈജൂസ് ആപ്പ്, അണ് അക്കാദമി തുടങ്ങിയവര് ഉയര്ത്തിയ വെല്ലുവിളികളെ അതിജീവിച്ചാണ് ഡ്രീം ഇലവന് ഇക്കുറി ഐപിഎല് ടൈറ്റില് സ്പോണ്സര്ഷിപ്പ് സ്വന്തമാക്കിയത്. ബൈജൂസ് ആപ്പ് 201 കോടി രൂപയും അണ്അക്കാദമി 170 കോടി രൂപയും മുന്നോട്ടുവെച്ചിരുന്നതായാണ് ദേശീയ മാദ്ധ്യമങ്ങള് റിപ്പോര്ട്ട് ചെയ്യുന്നത്. ടൈറ്റില് സ്പോണ്സര്മാരായിരുന്ന വിവോ പിന്മാറിയതിനു പിന്നാലെയാണ് ബിസിസിഐ പുതിയ സ്പോണ്സര്മാരെ തേടിയത്.
