കറാച്ചി : മുന്‍ ഇന്ത്യന്‍ ക്യാപ്റ്റന്‍ എം എസ് ധോനിയെ പോലെയൊരു താരത്തെയാണ് പാകിസ്താന് ആവശ്യമെന്ന് മുന്‍ പാകിസ്ഥാന് വിക്കറ്റ് കീപ്പര്‍ കമ്രാന്‍ അക്മൽ. പാകിസ്ഥാന് ഏറ്റവും മികച്ച ഉദാഹരണമാണ് ധോനി. പാക് ടീമില്‍ ഇപ്പോഴത്തെ താരങ്ങള്‍ പലരും സ്വന്തം സ്ഥാനം സുരക്ഷിതമാക്കാനാണ് ശ്രമിക്കുന്നത്. ടീം ജയിക്കുമോ ഇല്ലയോ എന്നുള്ളത് അവരെ ചിന്തിപ്പിക്കുന്നില്ല. ഇപ്പോഴത്തെ ക്യാപ്റ്റന്‍മാരും ധോനിയെ കണ്ട് പഠിക്കണം .
”ഇന്ത്യയെ ദീര്‍ഘകാലം തോളിലേറ്റിയ താരമാണ് ധോനി. ക്യാപ്റ്റന്‍സി വളരെ അനായാസമാണ്. എനിക്കും ക്യാപ്റ്റനാവാം. ജയിച്ചാലും പരാജയപ്പെട്ടാലും ടീമില്‍ സ്ഥാനമുറപ്പാണ്.
എന്നാല്‍ ധോനി ഇതില്‍ നിന്നെല്ലാം വ്യത്യസ്തനായിരുന്നു. ഒരു മികച്ച ടീമിനെ ഉണ്ടാക്കുക മാത്രമല്ല ചെയ്തത്. അതോടൊപ്പം അദ്ദേഹത്തിന് ലോകോത്തര പ്രകടനം പുറത്തെടുക്കാനും സാധിച്ചു. ധോനി ഉയര്‍ത്തികൊണ്ടുവന്ന താരങ്ങളെല്ലാം ഇപ്പോള്‍ അവരുടെ ക്ലാസ് കാണിക്കുന്നുണ്ട്. സ്വന്തം രാജ്യത്തിന് വേണ്ടി ആത്മാര്‍ത്ഥമായി കളിക്കുകയെന്നത് മാത്രമാണ് ഓരോ താരത്തിന്റെ കടമയാണ് ധോനി അത് ഭംഗിയായി പൂര്‍ത്തിയാക്കി.
ധോനിക്ക് വേണ്ടി കാണികള്‍ എഴുന്നേറ്റ് നിന്ന് കയ്യടിക്കണം. ഗ്രൗണ്ടില്‍ നിന്നായിരിക്കണം അദ്ദേഹം വിരമിക്കേണ്ടത്. സച്ചിന്‍ ടെന്‍ഡുല്‍ക്കര്‍ വിരമിച്ചത് പോലെ ധോനിയും വിരമിക്കട്ടെ. അപൂര്‍വമായിട്ടേ ഇത്തരം പ്രതിഭകളെ ക്രിക്കറ്റ് ലോകത്തിന് ലഭിക്കൂ. പാകിസ്ഥാന് ക്രിക്കറ്റിനും വേണ്ടത് ഇത്തരമൊരു ക്യാപ്റ്റനെയാണ് ‘ – കമാൽ പറഞ്ഞു.
