ധോണിയ്‌ക്കും റെയ്‌നയ്‌ക്കുമൊപ്പം ചെന്നൈ സൂപ്പര്‍ കിംഗ്‌സ് ഇന്ന് യു.എ.ഇയിലേയ്‌ക്ക് പുറപ്പെടും

ചെന്നൈ: ഐ.പി.എല്‍ 2020യുടെ പോരാട്ടത്തിനായി ചെന്നൈ സൂപ്പര്‍ കിംഗ്‌സ് ടീം ഇന്ന് യു.എ.ഇയിലേയ്‌ക്ക് പുറപ്പെടും. ക്യാപ്റ്റന്‍ മഹേന്ദ്രസിംഗ് ധോണിയും റെയ്‌നയുമടക്കമാണ് ടീം യാത്രതിരിക്കുന്നത്. ടീം അംഗങ്ങളെല്ലാം ഹോട്ടലില്‍ ഒത്തുകൂടിയതിന്റെ ചിത്രങ്ങള്‍ ടീം സമൂഹമാദ്ധ്യമങ്ങളിലൂടെ പുറത്തുവിട്ടു. ഓസ്‌ട്രേലിയന്‍ താരം ഷെയിന്‍ വാട്‌സണ്‍ താന്‍ പുറപ്പെട്ട വിവരം വിമാനത്തില്‍ നിന്നുള്ള ചിത്രസഹിതമാണ് പുറത്തുവിട്ടിരിക്കുന്നത്.

On my way to another exciting @IPL with @ChennaiIPL. This world is very different nowadays but we all have to do our part to stay safe and look after each other. #superexcited #newexperiences pic.twitter.com/BQtegZI2cN

— Shane Watson (@ShaneRWatson33) August 20, 2020

ഇന്നലെ കിംഗ്‌സ് ഇലവന്‍ പഞ്ചാബും രാജസ്ഥാന്‍ റോയല്‍സും ദുബായിലേയ്‌ക്ക് പറന്നിരുന്നു. മറ്റ് ടീമുകള്‍ ഇന്നും നാളെയുമായി പോകുമെന്നാണ് ഐ.പി.എല്‍ വൃത്തങ്ങള്‍ അറിയിച്ചത്. മുംബൈ ഇന്ത്യന്‍സ് , റോയല്‍ ചലഞ്ചേഴ്‌സ് ബാംഗ്ലൂര്‍, ഡല്‍ഹി ക്യാപ്പിറ്റല്‍സ് എന്നിവരും പുറപ്പെട്ടു. എല്ലാ ടീമുകളും വിമാനത്താവളത്തിലെത്തിയ ചിത്രങ്ങളാണ് സ്വന്തം ട്വിറ്റായി പോസ്റ്റ് ചെയ്തിരിക്കുന്നത്.

വ്യക്തിപരമായി രോഹിത് ശര്‍മ്മ, ഇഷാന്ത് ശര്‍മ്മ, അജിന്‍ക്യാ രഹാനേ എന്നിവര്‍ കുടംബത്തോടൊപ്പമുള്ള ചിത്രങ്ങളും ട്വിറ്ററില്‍ പോസ്റ്റ് ചെയ്തുകൊണ്ട് ആരാധകരെ ആവേശത്തിലാക്കിയിരിക്കുകയാണ്.