സംസ്കൃതത്തിൽ അമലാക്കി എന്നറിയപ്പെടുന്ന നെല്ലിക്ക ആയുർവേദ ഔഷധങ്ങളിൽ ഒഴിച്ച് കൂടാനാവാത്ത ഒന്നാണ് . ഇന്ത്യ , തെക്കൻ ഏഷ്യൻ രാജ്യങ്ങൾ എന്നിവിടങ്ങളിൽ വ്യാവസായിക അടിസ്ഥാനത്തിൽ ഉല്പാദിപ്പിക്കപ്പെടുന്ന ഒരു ഫലം കൂടിയാണ് നെല്ലിക്ക .
വിറ്റാമിൻ സി ധാരാളമായി അടങ്ങിയിരിക്കുന്ന ഫലമായതിനാൽ നെല്ലിക്ക ദിനവും കഴിക്കുന്നത് രോഗപ്രതിരോധ ശേഷി വർദ്ധിപ്പിക്കാനും , തൊണ്ട വേദനക്കും , രക്തത്തിലെ പഞ്ചസാരയുടെ അളവ് നിയന്ത്രിക്കാനും , ഹൃദയത്തിന്റെ ആരോഗ്യം സംരക്ഷിക്കാനും നല്ലതാണ് .
വിറ്റാമിൻ സി, എ, പോളിഫെനോൾസ്, ആൽക്കലോയിഡുകൾ, ഫ്ലേവനോയ്ഡുകൾ എന്നിവ നെല്ലിക്കയിൽ അടങ്ങിയിരിക്കുന്നതിനാൽ , ശരീരത്തിന് രോഗപ്രതിരോധ ശേഷി നൽകുന്ന വെളുത്ത രക്താണുക്കളെ കൂടുതലായി ഉത്പാദിപ്പിക്കുകയും , രോഗപ്രതിരോധ ശേഷി വർദ്ധിപ്പിക്കുകയും ചെയ്യുന്നു .
നെല്ലിക്കയിൽ ക്രോമിയം അടങ്ങിയിരിക്കുന്നതിനാൽ ശരീരത്തിൽ ഇൻസുലിൻ ഉല്പാദിപ്പിക്കുന്ന കോശങ്ങളെ ഏകോപിപ്പിക്കുകയും തന്മൂലം രക്തത്തിലെ പഞ്ചസാരയുടെ അളവ് നിയന്ത്രിക്കാൻ തക്ക ആവശ്യമുള്ള ഇൻസുലിൻ ഉല്പാദിപ്പിക്കപ്പെടുകയും ചെയ്യുന്നു . ആയതിനാൽ തന്നെ പ്രമേഹരോഗികൾക്ക് പ്രമേഹത്തെ നിയന്ത്രണത്തിൽ നിർത്തുവാൻ സഹായിക്കുന്ന നല്ലൊരു ഔഷധമാണ് നെല്ലിക്ക.
നാരുകൾ ധാരാളം അടങ്ങിയിരിക്കുന്ന ഫലമായതിനാൽ ദഹനപ്രക്രിയ സുഗമമാക്കുകയും , മലബന്ധം പോലുള്ള അവസ്ഥകൾ ഉണ്ടാവാതെ നോക്കുകയും ചെയ്യുന്നു .
മുടിയിഴകൾക്ക് ബലം പകരുന്ന കരോട്ടീൻ നെല്ലിക്കയിൽ അടങ്ങിയിരിക്കുന്നതിനാൽ , മുടിയിൽ തേക്കാനുള്ള എണ്ണയിൽ നെല്ലിക്ക പൊടിച്ചു ചേർത്തുപയോഗിക്കുന്നത് മുടിയുടെ വേരുകൾക്ക് ബലം നൽകുകയും , മുടി കൊഴിച്ചിൽ ഇല്ലാതാക്കി ഇടതൂർന്ന മുടി പ്രധാനം ചെയ്യുകയും ചെയ്യും .
നെല്ലിക്ക പതിവായി കഴിക്കുന്നത് ആരോഗ്യകരവും തിളക്കവുമുള്ള ചർമ്മം പ്രധാനം ചെയ്യുകയും , കാഴ്ച ശക്തി മെച്ചപ്പെടുത്തുകയും ചെയ്യും .വെറും വയറ്റിൽ നെല്ലിക്ക ജ്യൂസ് കഴിക്കുന്നത് , കഴിക്കുന്ന ഭകഷണത്തിൽ നിന്ന് ശരീരത്തിന് ആവശ്യമുള്ള കാൽസ്യം വലിച്ചെടുക്കാൻ സഹായിക്കുകയും തന്മൂലം എല്ലുകൾക്ക് ബലം പ്രധാനം ചെയ്യുകയും ചെയ്യും .
Comments