ന്യൂയോര്ക്ക്: യു.എസ്.ഓപ്പണില് അമേരിക്കന് പ്രതിഭകളായ സഹോദരിമാര്ക്ക് ജയവും തോല്വിയും. ആദ്യ റൗണ്ടില് ഇളയ സഹോദരി സെറീനാ വില്യംസ് ജയിച്ചപ്പോള് മുത്തയാളായ വീനസ് വില്യംസ് അപ്രതീക്ഷിതമായി തോറ്റു പുറത്തായി.
ആറു തവണ യു.എസ്സ് ഓപ്പണ് ഫള്ഷിംഗ് മെഡോസില് ഉയര്ത്തിയ താരമാണ് സെറീന. 96-ാം റാങ്കിങ്ങിലുള്ള സ്വന്തം നാട്ടുകാരി ക്രിസ്റ്റി അഹനെയാണ് 7-5, 6-4ന് സെറീന തോല്പ്പിച്ചത്. യു.എസ്.ഓപ്പണിലെ 102-ാം മത്സരമാണ് സെറിന ഇന്നലെ ജയിച്ചത്. ടെന്നീസ് വനിതാ ഇതിഹാസം ക്രിസ് എവര്ട്ടിന്റെ നേട്ടമാണ് 38 കാരിയായ സെറീന മറികടന്നത്.
വീനസ് വില്യംസ് ആദ്യമായി യു.എസ് ഓപ്പണിന്റെ രണ്ടാം റൗണ്ട് കാണാതെ പുറത്താകുന്നതിന് ഇന്നലെ ആര്തര് ആഷെ സ്റ്റേഡിയം സാക്ഷിയായി. 20-ാം റാങ്കിംഗിലുള്ള ചെക് റിപ്പബ്ലിക്കിന്റെ മുച്ചോവയാണ് വീനസിനെ വീഴ്ത്തിയത്. 6-3, 7-5നാണ് 40കാരിയായ വീനസ് തോല്വി സമ്മതിച്ചത്.
