തൈറോയ്ഡിനെ കുറിച്ച് കേള്ക്കാത്തവരായി ആരുമില്ല. എന്നാല് തൈറോയ്ഡിനെ കുറിച്ചുളള കൂടുതല് അറിവ് കുറവായിരിക്കും. മനുഷ്യ ശരീരത്തില് കഴുത്തിന്റെ നടുവിലായി സ്ഥിതി ചെയ്യുന്ന വളരെ ചെറിയ ഒരു ഗ്രന്ഥിയാണ് തൈറോയ്ഡ് ഗ്രന്ഥി. ഇതില് നിന്നും ഉത്പാദിപ്പിക്കുന്ന ഹോര്മോണാണ് തൈറോക്സിന് എന്ന ഹോര്മോണ്. സ്ത്രീകളിലും പുരുഷന്മാരിലും ഒരുപോലെ കാണപ്പെടുന്ന തൈറോയ്ഡ് ഗ്രന്ഥി വളരെ ചെറുതാണെങ്കിലും മനുഷ്യ ശരീരത്തിലെ കാലു മുതല് തല വരെ ഉള്ളയുളള എല്ലാ അവയവങ്ങളുടെ പ്രവര്ത്തനത്തിലും തൈറോയ്ഡ് ഗ്രന്ഥി പ്രധാന പങ്കുവഹിക്കുന്നുണ്ട്.
ഏറ്റവും കൂടുതലായി തൈറോയ്ഡ് പ്രശ്നങ്ങള് കണ്ടു വരുന്നത് സ്ത്രീകളിലാണ്. സ്ത്രീകളെ അപേക്ഷിച്ച് പുരുഷന്മാരില് പൊതുവേ കുറവാണ് തൈറോയ്ഡ് കണ്ടു വരുന്നത്. തൈറോക്സിന് ഹോര്മോണിന്റെ വ്യതിയാനം മൂലം പ്രധാനമായും രണ്ടു തരത്തിലുള്ള അവസ്ഥകളാണ് ഉണ്ടാകുന്നത്. ഹൈപ്പോ തൈറോയ്ഡും ഹൈപ്പര് തൈറോയ്ഡും. തൈറോയ്ഡ് ഗ്രന്ഥിയില് നിന്ന് ഉത്പാദിപ്പിക്കുന്ന തൈറോക്സിന് ഹോര്മോണിന്റെ അളവ് കുറയുന്ന അവസ്ഥയാണ് ഹൈപ്പോ തൈറോയ്ഡ്.
മുടി കൊഴിച്ചില്, മന്ദത, ഉറക്ക ക്ഷീണം, ശരീരത്തിലെ പല ഭാഗങ്ങളിലുള്ള ചൊറിച്ചില്, ഹൃദയ ഹൃദയമിടിപ്പ് കുറയല്, വണ്ണം വയ്ക്കല് എന്നിവയാണ് ഇതിന്റെ പ്രധാന ലക്ഷണങ്ങള്. പുതിയ സെല്ലുകള് ഉണ്ടാകാത്തതിനാലാണ് മുടിയുടെ വളര്ച്ച നിന്നു പോകുന്നത്. തൈറോയ്ഡ് ഗ്രന്ഥിയില് നിന്ന് ഉത്പാദിപ്പിക്കുന്ന തൈറോക്സിന് ഹോര്മോണിന്റെ അളവ് കൂടുന്ന അവസ്ഥയാണ് ഹൈപ്പര് തൈറോയ്ഡ്. ഉറക്കക്കുറവ്, ഇടയ്ക്കിടെ വയറ്റില് നിന്ന് പോവുക, ശരീരം ഏതു സമയവും ചൂടായിരിക്കുക, മുടി നന്നായി കൊഴിയുക, മുഖത്തെ എണ്ണമയം കൂടുകയും കുരുക്കള് ഉണ്ടാകുകയും ചെയ്യുന്നു. അകാരണമായ മെലിച്ചില്, കൈകാലുകള്ക്ക് വിറയല് അനുഭവപ്പെടുക എന്നിവയാണ് ഹൈപ്പര് തൈറോയ്ഡിന്റെ ലക്ഷണങ്ങള് .
Comments