മുംബൈ: ഈ സീസണിലെ ഐപിഎല് മത്സരങ്ങളുടെ ഷെഡ്യൂള് തയ്യാറായി. ഐപിഎല് ഭരണ സമിതിയാണ് ഷെഡ്യൂള് പുറത്തുവിട്ടത്. ആദ്യ മത്സരത്തില് നിലവിലെ ചാമ്പ്യന്മാരായ മുംബൈ ഇന്ത്യന്സ് ചെന്നൈ സൂപ്പര് കിംഗ്സുമായി ഏറ്റുമുട്ടും.
സെപ്റ്റംബര് 19നാണ് ഐപിഎല് മത്സരങ്ങള്ക്ക് തുടക്കമാകുക. ഉദ്ഘാടന മത്സരത്തിന് അബുദാബി വേദിയാകും. ഇന്ത്യന് സമയം രാത്രി 7.30നാണ് മത്സരം ആരംഭിക്കുക. കഴിഞ്ഞ വര്ഷത്തെ ഐപിഎല് ഫൈനലില് മുംബൈയും ചെന്നൈയും തമ്മിലാണ് ഏറ്റുമുട്ടിയത്. മുംബൈ കപ്പുയര്ത്തിയപ്പോള് കണക്കു തീര്ക്കാനുള്ള അവസരമാണ് ചെന്നൈക്ക് ഇപ്പോള് കൈവന്നിരിക്കുന്നത്.
അതേസമയം, 20ന് നടക്കുന്ന രണ്ടാം മത്സരത്തില് ഡല്ഹി ക്യാപിറ്റല്സ് കിംഗ്സ് ഇലവന് പഞ്ചാബിനെ നേരിടും. 21ന് സണ് റൈസേഴ്സ് ഹൈദരാബാദ് റോയല് ചലഞ്ചേഴ്സ് ബംഗളൂരുവിനെയും 22ന് രാജസ്ഥാന് റോയല്സ് ചെന്നൈ സൂപ്പര് കിംഗ്സിനെയും നേരിടും. 23നാണ് കൊല്ക്കത്ത നൈറ്റ് റൈഡേഴ്സ്-മുംബൈ ഇന്ത്യന്സ് പോരാട്ടം.
