മൊഹാലി: ക്രിക്കറ്റില് നിന്നു കഴിഞ്ഞ വര്ഷം വിരമിക്കല് പ്രഖ്യാപിച്ച യുവരാജ് സിംഗ് കളിക്കളത്തിലേക്ക് തിരിച്ചുവരാന് ഒരുങ്ങുന്നു. 38കാരനായ യുവരാജ് ആഭ്യന്തര ക്രിക്കറ്റ് കളിക്കാനുള്ള ആഗ്രഹം അറിയിച്ചിരിക്കുകയാണ്. പഞ്ചാബിനായി കളിക്കാന് അനുവാദം ആവശ്യപ്പെട്ട് ബിസിസിഐ അദ്ധ്യക്ഷന് സൗരവ് ഗാംഗുലിക്ക് അദ്ദേഹം കത്തയച്ചതായാണ് സൂചന.
യുവരാജിനോട് കളിക്കളത്തിലേക്ക് തിരിച്ചുവരാന് പഞ്ചാബ് ക്രിക്കറ്റ് അസോസിയേഷന് ആവശ്യപ്പെട്ടിരുന്നു. താനിപ്പോഴും പരിശീലനം നടത്തുന്നുണ്ടെന്നും പഞ്ചാബിനൊപ്പം കിരീട നേട്ടങ്ങള് കുറവാണെന്നതുമാണ് തന്നെ വീണ്ടും പാഡണിയാന് പ്രേരിപ്പിക്കുന്നതെന്നും യുവരാജ് സിംഗ് പ്രതികരിച്ചു. ബിസിസിഐയില് നിന്ന് അനുമതി ലഭിച്ചാല് ലോകമെമ്പാടുമുള്ള മറ്റ് ആഭ്യന്തര ലീഗുകളില് തുടരാന് താന് ആഗ്രഹിക്കുന്നുണ്ടെന്നും അദ്ദേഹം പറഞ്ഞു.
ഓസ്ട്രേലിയന് ലീഗായ ബിഗ് ബാഷിലും യുവി കളിക്കാന് തയ്യാറെടുക്കുന്നതായാണ് വിവരം. പരിമിത ഓവര് ക്രിക്കറ്റില് താത്പ്പര്യം പ്രകടിപ്പിച്ചതിനു പിന്നാലെ ബിഗ് ബാഷ് ലീഗിലെ ക്ലബ് കണ്ടെത്താന് അദ്ദേഹത്തെ സഹായിക്കുമെന്ന് ക്രിക്കറ്റ് ഓസ്ട്രേലിയയും അറിയിച്ചിട്ടുണ്ട്. അങ്ങനെയെങ്കില് ബിഗ് ബാഷില് കളിക്കുന്ന ആദ്യ ഇന്ത്യന് താരമായി യുവരാജ് സിംഗ് മാറും.
