ലഹരി മരുന്നിന്റെ പിടിയിലാണ് ചലച്ചിത്ര മേഖല എന്ന വാർത്തകൾ ഞെട്ടലോടെയാണ് പലരും കേട്ടത് . അഭ്രപാളിയിൽ മാതൃകയായി മാറിയ പലരും ഇന്ന് ജയിലഴികൾക്കുള്ളിലോ , സംശയമുനയിലോ ആണ് . മലയാളത്തിലെയും ചില താരങ്ങൾക്ക് ഇത്തരം ലഹരി മരുന്ന് സംഘവുമായി ബന്ധമുണ്ടെന്ന ആരോപണങ്ങളും ഉയർന്നിട്ടുണ്ട് .
മുൻപ് പല മലയാള ചലച്ചിത്രങ്ങളും ഈ വിഷയം, കാലാകാലങ്ങളിൽ, അവരുടെ പ്രധാന പ്രമേയമായി കൈകാര്യം ചെയ്തിട്ടുണ്ട്. ഇന്ന് അവ നമ്മുടെ മുൻപിൽ യാഥാർത്ഥ്യമായി മാറുകയാണ്.
പല വർഷങ്ങളായി മയക്കുമരുന്നിന്റെ ലോകം പ്രമേയമായി വന്ന മലയാള ചിത്രങ്ങൾ ഇവയൊക്കെയാണ്
1 . മറിയം വന്ന് വിളക്കൂതി
മലയാള ഭാഷയിലുള്ള കോമഡി ത്രില്ലർ ചിത്രമാണ് മറിയം വന്നു വിളക്കൂതി . പുതുമുഖം ജെനിത്ത് കച്ചപ്പില്ലി രചനയും സംവിധാനവും നിർവ്വഹിക്കുകയും രാജേഷ് അഗസ്റ്റിൻ നിർമ്മിക്കുകയും ചെയ്ത ചിത്രം , എ ആർ കെ യുടെ ബാനറിലാണ് പുറത്തിറങ്ങിയത് . സിജു വിൽസൺ, കൃഷ്ണശങ്കർ, ഷബരീഷ് വർമ്മ, അൽത്തഫ് സലിം എന്നിവർ പ്രമുഖ വേഷത്തിൽ എത്തിയ ചിത്രം തീയേറ്ററുകളിൽ എത്തിയത് 2020 ജനുവരി 31നായിരുന്നു .
2 . കിളി പോയി
അജു വർഗീസും ആസിഫ് അലിയും നായകന്മാരായി അഭിനയിച്ച് 2013 ൽ പുറത്തിറങ്ങിയ മലയാള ചിത്രമാണ് കിളി പോയി . മയക്കുമരുന്നും രണ്ടു ചെറുപ്പക്കാരുടെ ജീവിതവുമായി ബന്ധപ്പെടുത്തി വിനയ് ഗോവിന്ദ് സംവിധാനം ചെയ്ത ചിത്രം ആയിരുന്നു ഇത് .
3 . ഏകലവ്യൻ
1993 ൽ പുറത്തിറങ്ങിയ മലയാള ഭാഷാ ക്രൈം ത്രില്ലർ ചിത്രമാണ് ഏകലവ്യൻ. രഞ്ജി പണിക്കർ രചിച്ച ഈ ചിത്രത്തിൽ സുരേഷ് ഗോപി പ്രധാന കഥാപാത്രത്തെ അവതരിപ്പിച്ചിരുന്നു . സിദ്ദിഖ്, ഗീത, നരേന്ദ്ര പ്രസാദ്, വിജയരാഘവൻ, ഗണേഷ് കുമാർ, ജനാർദ്ദനൻ, മധു, ജഗതി , പപ്പു, ദേവൻ എന്നിവർ മറ്റ് പ്രധാന വേഷങ്ങളിൽ എത്തിയ ചിത്രം കൂടിയാണ് ഏകലവ്യൻ .
4 . ജോണി വാക്കർ
രഞ്ജിത്ത് രചിച്ചു ജയരാജ് സംവിധാനം ചെയ്ത മലയാള ചിത്രമായിരുന്നു ജോണി വാക്കർ . മമ്മൂട്ടി കുറെ ചെറുപ്പക്കാർക്കൊപ്പം പ്രധാന വേഷത്തിൽ എത്തിയ ചലച്ചിത്രം കൂടിയായിരുന്നു ഇത് .
5 . സീസൺ
പദ്മരാജൻ തിരക്കഥയെഴുതി സംവിധാനം ചെയ്ത 1989 ലെ മലയാള ഭാഷാ ക്രൈം ത്രില്ലർ ചിത്രമാണ് സീസൺ. മോഹൻലാലും ഗാവിൻ പാക്കാർഡും പ്രധാന കഥാപാത്രങ്ങളെ അവതരിപ്പിച്ച ചിത്രം ആയിരുന്നു ഇത് .
Comments