ലണ്ടന്‍: ഓസ്‌ട്രേലിയന്‍ മുന്‍ നായകനും ബാറ്റ്‌സ്മാനുമായ സ്റ്റീവ് സ്മിത്ത് മൂന്നാം ഏകദിനത്തില്‍ കളിക്കുമെന്ന് തീരുമാനം. ടീം പരിശീലകനായ ജസ്റ്റിസ് ലാംഗറാണ് സ്മിത്തിന്റെ ആരോഗ്യ നിലയില്‍ പ്രശ്‌നമില്ലെന്ന് ഉറപ്പുനല്‍കിയിരിക്കുന്നത്. പരിശീലനത്തിനിടെ തലയ്‌ക്ക് പന്തുകൊണ്ട് സ്മിത്ത് കളിക്കുന്ന കാര്യം സംശയത്തിലായിരുന്നു. ഓള്‍ഡ് ട്രഫോഡില്‍ നെറ്റ് പരിശീലനം നടത്തുന്നതിനിടെയാണ് സ്മിത്തിന് പരിക്കേറ്റത്.
നിര്‍ണ്ണായകമായ മൂന്നാം ഏകദിനം ഇന്നാണ് ആരംഭിക്കുന്നത്. മൂന്ന് മത്സരങ്ങളടങ്ങുന്ന ഏകദിന പരമ്പരയില്‍ ആദ്യ രണ്ടു മത്സരങ്ങളില്‍ ഇരുടീമുകളും ഓരോന്നു വീതം ജയിച്ച് നില്‍ക്കുകയാണ്. മൂന്ന് ട്വന്റി 20 മത്സരങ്ങളുടെ പരമ്പരയില്‍ 2-1ന് ഇംഗ്ലണ്ട് ജയം നേടിയത്. ഏകദിന പരമ്പരയിലെ ആദ്യ മത്സരത്തില്‍ ഓസ്‌ട്രേലിയ 19 റണ്‍സിന് ജയിച്ചപ്പോള്‍ രണ്ടാം ഏകദിനം ആതിഥേയര്‍ 24 റണ്‍സിന് ജയിച്ച് 1-1ന്റെ സമനില നേടി നില്‍ക്കുകയാണ്.
