ലണ്ടന്‍: ബയേണ്‍ താരം തിയാഗോയെ സ്വന്തമാക്കി ലിവര്‍പൂള്‍. മദ്ധ്യനിരയുടെ കരുത്തനായ ബയേണ്‍ മ്യൂണിച്ച് താരമാണ് തിയാഗോ അല്‍ക്കാന്റാര. 2013ല്‍ ബാഴ്‌സലോണയില്‍ നിന്നാണ് 29 കാരനായ തിയാഗോയെ ബയേണ്‍ സ്വന്തമാക്കിയത്. ചാമ്പ്യന്‍സ് ലീഗില്‍ പിഎസ്ജിയെ തോല്‍പ്പിച്ച് കിരീടം ചൂടിയ ബയേണിന്റെ നിര്‍ണ്ണായക താരമാണ് തിയാഗോ.
ലിവര്‍പൂളിന്റെ ആന്‍ഫീല്‍ഡ് സ്റ്റേഡിയത്തില്‍ ആറാം നമ്പര്‍ ജഴ്‌സിയാണ് തിയാഗോയെ കാത്തിരിക്കുന്നത്. ഈ സീസണില്‍ ഗ്രീസിന്റെ കോസ്റ്റാസ് സിമിക്കാസിന് ശേഷം ക്ലബ്ബിലെത്തുന്ന രണ്ടാമത്തെ താരമാണ് തിയാഗോ. കഴിഞ്ഞയാഴ്ചവരെ ലിവര്‍പൂള്‍ പരിശീലകന്‍ ജുര്‍ഗന്‍ ക്ലോപ്പ് തിയാഗോയുടെ വിഷയത്തില്‍ ഉറപ്പുപറഞ്ഞിരുന്നില്ല.
