അമിതമായുള്ള സെൽ ഫോണിന്റെ ഉപയോഗം ബ്രെയിൻ ട്യൂമറിന് കാരണമാകുമെന്ന് എവിടേയും തെളിയിക്കപ്പെട്ടിട്ടില്ല. എന്നാൽ മൊബൈലിൽ നിന്നും വരുന്ന റേഡിയേഷനുകളെ ക്യാൻസറോജെനിക്ക് എന്ന പട്ടികയിലാണ് ഉൾപ്പെടുത്തിയിരിക്കുന്നത്. അതായത് മൊബൈൽ ഫോൺ ഒരുപരിധിയിൽ കൂടുതൽ ഉപയോഗിച്ചാൽ അർബുദം വരാനുള്ള സാധ്യതയുണ്ടെന്നാണ് പറയുന്നത്. ഒരു മണിക്കൂറിൽ കൂടുതൽ ഫോൺ ഉപയോഗിക്കുന്നത് ട്യൂമറിന് കാരണമാകുന്നു. തലയുടെ ഏതു ഭാഗത്താണോ മൊബൈൽ അധികം ചേർത്തുപിടിക്കുന്നത് അവിടെ ട്യൂമർ വരാൻ നേരിയ സാധ്യതയുണ്ട്. അതുകൊണ്ട് രാത്രി കിടക്കുമ്പോൾ മൊബൈൽ ഫോൺ പരമാവധി തലയിണയുടെ അടിയിൽ വെച്ച് ഉറങ്ങാതിരിക്കുക.
അതുപോലെ ഹെഡ്സെറ്റ് ഉപയോഗിക്കുന്നത് കൊണ്ട് ഹാൻഡ്സെറ്റിന്റെ നേരിട്ടുള്ള ഉപയോഗം കുറയ്ക്കാൻ സഹായിക്കും. അതുപോലെ കോൾ ചെയ്യുമ്പോൾ ഫോൺ കണ്ണക്റ്റ് ആയതിനു ശേഷം ചെവിയിൽ വെയ്ക്കുക. കാരണം കാൾ കണ്ണക്റ്റ് ആവുന്ന സമയത്ത് കൂടുതൽ റേഡിയേഷൻ പുറപ്പെടുവിക്കും. അതുപോലെ കഴിയുന്നതും തുടർച്ചയായി 1520 മിനുറ്റിൽ കൂടുതൽ ഫോണിൽ സംസാരിക്കാതിരിക്കുക. മൊബൈൽ ഫോൺ സൂക്ഷിക്കുന്നത് ഹാൻഡ്ബാഗിലായിരിക്കണം. പാന്റിന്റേയും ഷർട്ടിന്റേയും പോക്കറ്റിൽ കഴിവതും മൊബൈൽ ഫോൺ എടുത്തു വെയ്ക്കാതിരിക്കുക.
കുട്ടികളെ സംബന്ധിച്ചിടത്തോളം അമിതമായ മൊബൈൽ ഫോണിന്റെ ഉപയോഗം ബ്രെയിൻ ട്യൂമറിന് കാരണമാകാനുള്ള സാധ്യത വളരെ കൂടുതലാണ്. കാരണം അവരുടെ തലയോട്ടിക്ക് മുതിർന്നവരെക്കാൾ കട്ടി കുറവാണ്. ഇത് ഫോണിൽ വരുന്ന റേഡിയേഷൻ കൂടുതലായി തുളച്ചു കയറാനുള്ള സാഹചര്യം ഒരുക്കും. പക്ഷെ ഫോണിൽ നിന്നും ഉണ്ടാകുന്ന റേഡിയേഷനുകൾ ബ്രെയിൻ ട്യൂമർ ഉണ്ടാക്കുമെന്നതിൽ വ്യക്തമായ തെളിവുകൾ ഇല്ല. അതുകൊണ്ടുമാത്രം കൂടുതൽ സമയം മൊബൈൽ ഉപയോഗിക്കുന്നത് സുരക്ഷിതമാണെന്ന് പറയാനാവില്ല. ആവശ്യത്തിന് മാത്രം മൊബൈൽ ഫോണുകൾ ഉപയോഗിക്കുക. അതിനു അടിമയാവാതിരിക്കുക. കാരണം മൊബൈൽ ഫോണിന് ഒരുപാട് ഗുണങ്ങൾ പോലെ ദോഷങ്ങളുമുണ്ടെന്ന് മനസിലാക്കുക.
Comments