രാവിലെ ഉറങ്ങിയെണീറ്റ ഉടൻ തണുത്ത വെള്ളത്തിൽ മുഖം കഴുകിയാൽ ഉണ്ടാകുന്ന സുഖം ഒന്നു വേറെ തന്നെയാണ്. ചർമ്മത്തിന്റെ ഓജസ്സും തേജസ്സും കാലാകാലം നിലനിർത്താൻ ഈ ശീലം ഗുണം ചെയ്യും. പൊതുവെ രാവിലെ എണീക്കുമ്പോൾ ആകെക്കൂടി ഒരു ഉറക്ക ചടവാണ്. അത് കണ്ണുകളേയും, മുഖത്തേയും ബാധിക്കും. അതുപോലെ മാനസിക സമ്മർദ്ദം, ഉറക്കമില്ലായ്മ, മറ്റ് അസ്വസ്ഥതകൾ തുടങ്ങി എല്ലാം നമ്മുടെ ചർമ്മത്തെ ബാധിക്കും. അതുകൊണ്ടു തന്നെ തണുത്ത വെള്ളം ഉപയോഗിച്ച് മുഖം കഴുകുന്നത് ചർമ്മകാന്തി കാത്തുസൂക്ഷിക്കാൻ സഹായിക്കും.
തണുത്ത വെള്ളം ഉപയോഗിച്ച് മുഖം കഴുകുമ്പോൾ ചർമ്മത്തിൽ അധികമായി ഉണ്ടാകുന്ന എണ്ണമയം ഇല്ലാതാക്കും. ഒപ്പം ചർമ്മത്തിലെ പാടുകളും, ചുളിവുകളും അകലുകയും മുഖത്തിന് ഫ്രഷ്‌നെസ്സ് എപ്പോഴും നൽകാനും സഹായിക്കും. അതുപോലെ തണുത്ത വെള്ളം രക്തയോട്ടം സഹായിക്കുന്നു. ഇത് ചർമ്മത്തിന് കൂടുതൽ ഊർജ്ജം നൽകുന്നതോടൊപ്പം മുഖത്തിന്റെ തിളക്കവും ഭംഗിയും കൂട്ടുന്നു. ചർമ്മത്തിൽ ഉണ്ടാകുന്ന മാലിന്യങ്ങൾ തടയുവാനും തണുത്ത വെള്ളം ഉപയോഗിക്കുന്നത് നല്ലതാണ്.
പുറത്തെല്ലാം പോകുമ്പോൾ വെയിലേറ്റ് മുഖത്ത് കരിവാളിപ്പുകൾ ഉണ്ടാകാറുണ്ട്. വെയിലത്തു പുറത്തു പോയി വന്നാൽ തണുത്ത വെള്ളത്തിൽ മുഖം കഴുകുന്നത് കൊണ്ട് ഇത്തരം പാടുകൾ ഇല്ലാതാക്കും. സൂര്യതാപം ഏറ്റിട്ടുള്ള പാടുകൾ ഇല്ലാതെയാക്കാൻ തണുത്ത വെള്ളത്തിന് സാധിക്കും. അതുപോലെ പൊടി വിയർപ്പ് കൊണ്ടുണ്ടാകുന്ന മാലിന്യങ്ങൾ ഇല്ലാതെയാക്കാനും ചൂട് വെള്ളത്തിനേക്കാൾ എന്തുകൊണ്ടും ഉചിതം തണുത്ത വെള്ളമാണ്. . തണുത്ത വെള്ളം കൊണ്ട് മുഖം കഴുകിയാൽ സുഷിരങ്ങൾ തുറന്നു വരികയും മാലിന്യങ്ങൾ പുറത്താക്കുകയും ചെയ്യുന്നു. അതിനാൽ തണുത്ത വെള്ളം ഉപയോഗിച്ചുള്ള മുഖം കഴുകൽ ഇനി ജീവിതത്തിൽ ഒരു ശീലമാക്കാം.
