മുംബൈ: മുന് ഓസ്ട്രേലിയന് ക്രിക്കറ്റ് താരം ഡീന് ജോണ്സ് അന്തരിച്ചു. 59 വയസായിരുന്നു. ഹൃദയാഘാതമാണ് മരണകാരണം. മുംബൈയിലായിരുന്നു അന്ത്യം.
1984 മുതല് 1992 വരെ സജീവ ക്രിക്കറ്റിലുണ്ടായിരുന്ന അദ്ദേഹം പക്ഷേ, ക്രിക്കറ്റ് നിരീക്ഷകനെന്ന നിലയിലാണ് ഏറെ പ്രശസ്തനായത്. ഓസ്ട്രേലിയക്കായി 52 ടെസ്റ്റുകളിലും 164 ഏകദിന മത്സരങ്ങളിലും ഡീന് ജോണ്സ് കളിച്ചിട്ടുണ്ട്. ടെസ്റ്റില് 11 സെഞ്ച്വറിയും 14 അര്ദ്ധ സെഞ്ച്വറിയുമടക്കം 3,631 റണ്സും ഏകദിനത്തില് ഏഴ് സെഞ്ച്വറിയും 46 അര്ദ്ധ സെഞ്ച്വറിയുമടക്കം 6,068 റണ്സുമാണ് ഡീന് ജോണ്സിന്റെ സമ്പാദ്യം.
സ്റ്റാര് സ്പോര്ട്സിന്റെ കമന്റേറ്റര്മാരുടെ സംഘത്തിലും അദ്ദേഹം അംഗമായിരുന്നു. ഇന്നലെ നടന്ന മുംബൈ ഇന്ത്യന്സ്-കൊല്ക്കത്ത നൈറ്റ് റൈഡേഴ്സ് മത്സരത്തിന് മുന്പും നിരീക്ഷണങ്ങളുമായി ഡീന് ജോണ്സ് എത്തിയിരുന്നു. ക്രിക്കറ്റ് മത്സരങ്ങളുടെ കമന്റേറ്ററെന്ന നിലയില് ഇന്ത്യന് ആരാധകര്ക്ക് സുപരിചിതനായ വ്യക്തിയാണ് ഡീന് ജോണ്സ്.
