ന്യൂയോര്ക്ക് : ബഹിരാകാശ വാഹനത്തിന്റെ വിക്ഷേപണം അവസാന നിമിഷം നാസ റദ്ദാക്കി. ഇന്ത്യന് വംശജയായ കല്പ്പന ചൗളയുടെ പേരിട്ടിരുന്ന വാഹന ത്തിന്റെ വിക്ഷേപണം സാങ്കേതിക തകരാറ് കാരണമാണ് അവസാന നിമിഷം റദ്ദാക്കേണ്ടിവന്നതെന്ന് നാസ അറിയിച്ചു. അന്താരാഷ്ട്ര ബഹിരാകാശ നിലയത്തിലേക്ക് സാധനങ്ങളെത്തിക്കാനുള്ള ദൗത്യത്തിനായാണ് വാഹനം തയ്യാറാക്കിയത്.
ഇന്നലെ ഇന്ത്യന് സമയം രാത്രി 9.40നാണ് വിക്ഷേപണം നിശ്ചയിച്ചിരുന്നത്. ഭൂതല നിയന്ത്രണ വിഭാഗത്തിലെ തകരാറെന്നാണ് പ്രാഥമിക നിഗമനം. വിക്ഷേപണ ത്തിന് 2 മിനിറ്റും 40 സെക്കന്റും ബാക്കിയുള്ളപ്പോഴാണ് സാങ്കേതിക തകരാറ് ശ്രദ്ധയില്പ്പെട്ടത്. വാഴാഴ്ച വൈകിട്ട് വിക്ഷേപിക്കാനാണ് ആദ്യം നിശ്ചയിച്ചത് . എന്നാല് കാലാവസ്ഥ അനുകൂലമല്ലാത്തതിനാല് രാത്രിയിലേക്ക് വിക്ഷേപണം മാറ്റുകയായിരുന്നു.
നോര്തോര്പ്പ് ഗ്രൂമെന് സിഗ്നസ് എന്ന സ്വകാര്യ കമ്പനിയുടെ ബഹിരാകാശ വാഹനമാണ് വിക്ഷേപിക്കാനിരുന്നത്. നാസയുടെ അതിവിദഗ്ധ ബഹിരാകാശ സഞ്ചാരിയും കൊളംബിയ ബഹിരാകാശ വാഹന ദുരന്തത്തില് അന്തരിച്ച ഇന്ത്യന് വംശജയുമായ കല്പ്പന ചൗളയുടെ പേരാണ് നാസ വാഹനത്തിനിട്ടത്. കെ.സി.ചൗള എന്നാണ് വാഹനത്തില് രേഖപ്പെടുത്തിയിട്ടുള്ളത്. 14-ാം മത് ദൗത്യമാണ് ബഹിരാകാശ നിലയത്തിലേക്ക് നാസ നടത്താനിരുന്നത്. 3630 കിലോഗ്രാം സാധനങ്ങളാണ് ബഹിരാകാശ നിലയത്തിലേയ്ക്ക് എത്തിക്കാനുള്ളത്.
