രാജ്യം മുഴുവന് കൊറോണ എന്ന മഹാമാരിയെ ചെറുക്കാനുളള പരിശ്രമത്തിലാണ്. എവിടെ നോക്കിയാലും ഏറ്റവും കൂടുതലായി ഇപ്പോള് കാണപ്പെടുന്നത് മാസ്ക് ധരിക്കുക സാമൂഹിക അകലം പാലിക്കുക എന്നതാണ്. കൊറോണയെ പ്രതിരോധിക്കാന് മാസ്ക് ധരിക്കേണ്ടത് അത്യാവശ്യമാണ്. അതുകൊണ്ട് തന്നെ മാസ്ക് നമ്മുടെ നിത്യ ജീവിതത്തിന്റെ ഒരു ഭാഗമായി കഴിഞ്ഞു എന്നു തന്നെ പറയാം. തന്നെ പല തരത്തിലുള്ള മാസ്കുകള് ഇന്ന് വിപണിയില് നിര്മ്മിക്കാന് തുടങ്ങിയിട്ടുണ്ട. വസ്ത്രങ്ങള്ക്ക് അനുയോജ്യമായ തരത്തിലുള്ള മാസ്കുകള് വിവാഹത്തിന് ആവശ്യമായ സ്പെഷ്യല് ബ്രൈഡല് മാസ്കുകള് തുടങ്ങി പലതരത്തിലുള്ള മാസ്കുകള് വിപണിയില് സജീവമാണ്. വൈവിധ്യമാര്ന്ന മാസ്കുകള് നിര്മ്മിക്കാന് മത്സരിക്കുകയാണ് ഓരോരുത്തരും.
അതുപ്പോലെ വ്യത്യസ്തമായ രാമച്ചത്തിന്റെ ഗുണങ്ങള് അടങ്ങിയ മാസ്ക് പരിചയപ്പെടുത്തുകയാണ് പ്രശസ്ത സിനിമാതാരവും അതിലുപരി ഒരു വ്യവസായി കൂടിയായ പൂര്ണിമ ഭാഗ്യരാജ്. അഭിനയത്തില് മാത്രമല്ല ബിസിനസ്സിലും സജീവമാണ് താരം. ഇരുപത് വര്ഷത്തിലധികമായി ചെന്നൈയില് സ്വന്തമായി ഗാര്മെന്റ് കമ്പനി നടത്തുകയാണ് പൂര്ണിമ ഭാഗ്യരാജ്. കൊറോണ കാലമായതോടെ വ്യത്യസ്തതകള് നിറഞ്ഞ മാസ്കുകള് വിപണിയില് എത്തിക്കുകയാണ് താരം ഇപ്പോള്. രാമച്ചത്തിന്റെ ഗുണങ്ങള് അടങ്ങിയ മാസ്ക് തന്റെ സുഹൃത്തും നടിയുമായ മേനക സുരേഷിനു സമ്മാനമായി നല്കി.
അതോടെ സോഷ്യല് മീഡിയയില് ഈ മാസ്ക് പരിചയപ്പെടുത്തുകയാണ് കീര്ത്തി സുരേഷ്.
മാസ്ക് ധരിച്ച് അമ്മ മേനകയുടേയും സഹോദരി രേവതിയുടേയും കൂടെ നില്ക്കുന്ന ചിത്രമാണ് കീര്ത്തി സുരേഷ് പങ്കുവെച്ചിരിക്കുന്നത്. മാസ്ക് ധര്ക്കുമ്പോള് അതിനുളളിലെ രാമച്ചത്തിന്റെ മണം വളരെ മികച്ചതാണെന്നും കീര്ത്തി സുരേഷ് ചിത്രത്തിനൊപ്പം പങ്കുവെച്ചു. ഖുശ്ബു, രാധിക ശരത്കുമാര്, സുഹാസിനി തുടങ്ങി തമിഴിലെ മുന്നിര താരങ്ങളായ സുഹൃത്തുക്കള്ക്കും രാമച്ചത്തിന്റെ ഗുണങ്ങളടങ്ങിയ മാസ്ക് നല്കിയിരുന്നു.
Comments