അബുദാബി: പരാജയത്തില് നിന്ന് കരകയറാനാകാതെ ചെന്നൈ സൂപ്പര് കിംഗ്സ്. റോയല് ചലഞ്ചേഴ്സ് ബാംഗ്ലൂര് ഉയര്ത്തിയ 170 റണ്സ് വിജയലക്ഷ്യം മറികടക്കാന് കഴിയാതിരുന്ന ചെന്നൈ 37 റണ്സിന്റെ തോല്വിയാണ് വഴങ്ങിയത്. നിശ്ചിത 20 ഓവറിൽ 8 വിക്കറ്റ് നഷ്ടത്തിൽ 132 റൺസ് നേടാനെ ചെന്നൈയ്ക്ക് കഴിഞ്ഞുള്ളൂ. ഇതോടെ മുന് ചാമ്പ്യന്മാരുടെ നില പരുങ്ങലിലായിരിക്കുകയാണ്.
മികച്ച ഫോമിലുള്ള ഓപ്പണര്മാരായ ഫാഫ് ഡുപ്ലസിയും(8) ഷെയ്ന് വാട്സനും(14) ആദ്യം തന്നെ പുറത്തായതോടെ ചെന്നൈ പ്രതിരോധത്തിലായി. മൂന്നാമനായെത്തിയ അമ്പാട്ടി റായിഡുവും(42) നാരായണ് ജഗദീശനും പിടിച്ചു നിന്നെങ്കിലും മറ്റാര്ക്കും തിളങ്ങാനാകത്തത് ചെന്നൈയ്ക്ക് തിരിച്ചടിയായി. നായകന് മഹേന്ദ്ര സിംഗ് ധോണി 10 റണ്സിന് പുറത്തായതോടെ ചെന്നൈ പരാജയം ഏറെക്കുറെ മുന്നില് കണ്ടിരുന്നു.
ബാംഗ്ലൂരിന് വേണ്ടി ക്രിസ് മോറിസ് 4 ഓവറില് 19 റണ്സ് വഴങ്ങി 3 വിക്കറ്റ് വീഴ്ത്തി. വാഷിംഗ്ടണ് സുന്ദര് 2 വിക്കറ്റും ഇസ്രു ഉഡാന, യുസ്വേന്ദ്ര ചഹല് എന്നിവര് ഓരോ വിക്കറ്റും സ്വന്തമാക്കി.
