ലിമാ: നെയ്മറുടെ ഹാട്രിക്കില് ബ്രസീലിന് ജയം.ലോകകപ്പ് ഫുട്ബോള് യോഗ്യതാ മത്സരത്തിലാണ് പെറുവിനെതിരെ ബ്രസീല് ജയം നേടിയത്. ശക്തമായ പ്രകടനമാണ് പെറു എസ്്റ്റാഡിയോ നാസിയോണല് എന്ന ദേശീയ സ്റ്റേഡിയ ത്തില് നടത്തിയത്. തുടക്കം മുതല് പൊരുതിക്കളിച്ച പെറുവില് നിന്നും നെയ്മറുടെ മികവില് ബ്രസീല് ജയം പിടിച്ചുവാങ്ങുകയായിരുന്നു.
കളിയുടെ ആദ്യ നിമിഷത്തില് തന്നെ പെറു മഞ്ഞപ്പടയെ ഞെട്ടിച്ചു. പെറുവിന്റെ ആദ്യഗോള് 6-ാം മിനിറ്റില് ആന്ദ്രേ കാറില്ലോയുടെ വകയായിരുന്നു . 28-ാം മിനിറ്റില് ബ്രസീലിനായി നെയ്മര് സമനില പിടിച്ചു. 59-ാം മിനിറ്റില് മുന് ലോകചാമ്പ്യന്മാരെ ഞെട്ടിച്ച പെറു ബ്രസീലിനെ വീണ്ടും ഞെട്ടിച്ച് 2-1 ലീഡുനേടി. ആക്രമണം ശക്തമാക്കിയ ബ്രസീല് 64-ാം മിനിറ്റില് റിച്ചാര്ലിസണിലൂടെ 2-2 സമനിലപിടിച്ചു. തുടര്ന്ന് അവസാന 89-ാം നിമിഷത്തില് ലഭിച്ച പെനാല്റ്റിയിലൂടെ നെയ്മര് 2-3ന്റെ ലീഡ് നേടി. ഇഞ്ച്വറി ടൈമില് നെയ്മര് ഹാട്രിക് തികച്ചുകൊണ്ട് ബ്രസീലിന്റെ വിജയം ആധികാരികമാക്കി.
