ജാര്ഖണ്ഡ് : ജാര്ഖണ്ഡില് അഞ്ചാം ക്ലാസ് വിദ്യാര്ത്ഥിയെ ബലാത്സംഗം ചെയ്ത് കൊന്നു. റാഞ്ചിയില് നിന്ന് 275 കിലോമീറ്റര് അകലെയുള്ള ദുംകയിലെ രാംഗഡ് പോലീസ് സ്റ്റേഷന് കീഴിലുള്ള താഡി ഗ്രാമത്തിലാണ് സംഭവം നടന്നത്. കൂട്ടബലാത്സഗമാണ് മരണത്തിന് കാരണമെന്ന് പ്രാഥമിക റിപ്പോര്ട്ടില് പോലീസ് വ്യക്തമാക്കുന്നു.
ട്യൂഷന് പോകുന്ന വഴിയിലാണ് കുട്ടിക്കെതിരെ ആക്രമണമുണ്ടായത്. . കുട്ടി തിരികെ എത്താതതിനെ തുടര്ന്ന് അന്വേഷിച്ചപ്പോഴാണ് മൃതദേഹം കണ്ടെത്തിയത്. ദുംക ഗ്രാമത്തിന് സമീപതുള്ള കുറ്റിക്കാട്ടില് നിന്നാണ് മൃതദേഹം കണ്ടെടുത്തത്. തുടര്ന്ന് മൃതദേഹം പോസ്റ്റ്മോര്ട്ടത്തിനായി അയച്ചു.
കേസ് അന്വേഷണത്തിനായി ഏഴ് അംഗ സ്പെഷ്യല് ഇന്വെസ്റ്റിഗേഷന് ടീമിനെ രൂപീകരിച്ചിട്ടുണ്ടെന്ന് ദുംക സബ് ഡിവിഷണല് പോലീസ് ഓഫീസര് അനിമേഷ് നൈതാനി പറഞ്ഞു . സംഭവസ്ഥലത്ത് നിന്ന് നിരവധി തെളിവുകള് ലഭിച്ചതായും കുറ്റവാളികള്ക്കെതിരെ കര്ശന നടപടിയെടുക്കുമെന്നും ദുംക എസ്പി വ്യക്തമാക്കി.
ജാര്ഖണ്ഡില് ഒരാഴ്ചക്കിടെ നടക്കുന്ന മൂന്നാമത്തെ ബലാത്സംഗ കൊലപാതകമാണിത്. ജാര്ഖണ്ഡില് സ്ത്രീകള് സുരക്ഷിതരല്ലെന്ന് മുന് മുഖ്യമന്ത്രി രഘുബാര് ദാസ് പറഞ്ഞു. പ്രായപൂര്ത്തിയാകാത്ത പെണ്കുട്ടികളെ ബലാത്സംഗം ചെയ്ത് കൊലപ്പെടുത്തിയ സംഭവങ്ങളിലെ വര്ദ്ധനവ് ലജ്ജാകരമാണെന്നും രഘുബാര് ദാസ് ചൂണ്ടിക്കാട്ടി.
