രാജസ്ഥാനെതിരെ ബാംഗ്ലൂരിന് 178 റണ്സ് വിജയലക്ഷ്യം
ദുബായ്: രാജസ്ഥാന് റോയല്സിനെതിരെ ബാംഗ്ലൂര് റോയല് ചലഞ്ചേഴ്സിന് 178 റണ്സ് വിജയലക്ഷ്യം. ടോസ് നേടി ബാറ്റിങ് തെരെഞ്ഞെടുത്ത രാജസ്ഥാന് റോയല്സ് നിശ്ചിത ഓവറില് ആറ് വിക്കറ്റ് നഷ്ടത്തില് 177 റണ്സ് നേടുകയായിരുന്നു. 57 റണ്സെടുത്ത ക്യാപ്റ്റന് സ്റ്റീവ് സ്മിത്തിന്റെയും 41 റണ്സ് നേടിയ റോബിന് ഉത്തപ്പയുടെയും കരുത്തിൽ രാജസ്ഥാന് മികച്ച സ്കോര്റാണ് ഉയര്ത്തിയത്. ഓപ്പണിംഗില് മാറ്റവുമായാണ് രാജസ്ഥാന് ബാറ്റിംഗിന് ഇറങ്ങിയത്. ഉത്തപ്പയെ കൂട്ടുപിടിച്ച് സ്റ്റോക്സ് അര്ധസെഞ്ചുറി പടുത്തുയര്ത്തി. 51 റണ്സെടുത്ത സ്റ്റോക്സിനെ പുറത്താക്കി ബാംഗ്ലൂര് മത്സരത്തിലേക്ക് തിരിച്ചെത്തി.
പിന്നാലെ എത്തിയ സഞ്ജുവിന് ഒന്പത് റണ്സ് മാത്രമേ നേടാനായുള്ളൂ. 22 പന്തുകളില് നിന്നും 41 റണ്സെടുത്ത ഉത്തപ്പയെ മടക്കി ചാഹല് വീണ്ടും കളി ബാംഗ്ലൂരിന് അനുകൂലമാക്കിമാറ്റി. ഇരുവരും പുറത്തായതിനുശേഷം ഒത്തുചേര്ന്ന ക്യാപ്റ്റന് സ്റ്റീവ് സ്മിത്തും ജോസ് ബട്ലറും ചേര്ന്ന് പതിയെ തകര്ച്ചയില് നിന്നും ടീമിനെ കരകയറ്റുകയായിരുന്നു.
35 പന്തില് നിന്നും 57 റണ്സെടുത്ത സ്മിത്തിനെ അവസാന ഓവറില് ക്രിസ് മോറിസ് പുറത്താക്കി. 19 റണ്സെടുത്ത തെവാട്ടിയ പുറത്താവാതെ നിന്നു. ബാംഗ്ലൂരിന് വേണ്ടി നാല് വിക്കറ്റുകള് വീഴ്ത്തി ക്രിസ് മോറിസ് മികച്ച പ്രകടനം പുറത്തെടുത്തപ്പോള് ചാഹല് രണ്ട് വിക്കറ്റുകള് നേടി.
Comments