ദുബായ്: മുംബൈ ഇന്ത്യന്സിനെതിരെ കിംഗ്സ് ഇലവന് പഞ്ചാബിന് 177 റണ്സ് വിജയലക്ഷ്യം. ടോസ് നേടി ആദ്യം ബാറ്റ് ചെയ്ത മുംബൈ നിശ്ചിത 20 ഓവറില് 6 വിക്കറ്റ് നഷ്ടത്തില് 176 റണ്സെടുത്തു. അര്ദ്ധ സെഞ്ച്വറി തികച്ച ക്വിന്റണ് ഡികോക്കിന്റെയും അവസാന നിമിഷം ആഞ്ഞടിച്ച കീറോണ് പൊള്ളാര്ഡിന്റെയും പ്രകടനമാണ് മുംബൈയ്ക്ക് മികച്ച സ്കോര് സമ്മാനിച്ചത്.
നായകന് രോഹിത് ശര്മ്മ(9) ഉള്പ്പെടെ മൂന്ന് മുന് നിര വിക്കറ്റുകളാണ് മുംബൈയ്ക്ക് തുടക്കത്തിലെ നഷ്ടമായത്. മികച്ച ഫോമിലുള്ള സൂര്യകുമാര് യാദവ് റണ്സൊന്നും എടുക്കാതെയാണ് പുറത്തായത്. ഇഷന് കിഷന് 7 റണ്സ് നേടാനെ സാധിച്ചുള്ളൂ. ഓപ്പണറായി ഇറങ്ങി മുംബൈയെ മുന്നോട്ട് നയിച്ച ഡീകോക്ക്(53) അര്ദ്ധ സെഞ്ച്വറി തികച്ചു. 12 പന്തില് ഒരു ബൗണ്ടറിയും നാല് സിക്സറുകളും പറത്തിയ പൊള്ളാര്ഡും 12 പന്തില് 24 റണ്സ് നേടിയ നഥാന് കൂട്ടര്നൈലുമാണ് മുംബൈയ്ക്ക് മാന്യമായ സ്കോര് നേടിക്കൊടുത്തത്.
പഞ്ചാബിനു വേണ്ടി മുഹമ്മദ് ഷമിയും അര്ഷ്ദീപ് സിംഗും 2 വിക്കറ്റ് വീതം വീഴ്ത്തി. ക്രിസ് ജോര്ദാനും രവി ബിഷ്നോയിയും ഓരോ വിക്കറ്റ് വീതം സ്വന്തമാക്കി. ഒടുവില് വിവരം ലഭിക്കുമ്പോള് പഞ്ചാബ് 5 ഓവറില് 1 വിക്കറ്റ് നഷ്ടത്തില് 40 റണ്സ് എന്ന നിലയിലാണ്.
Comments