മിലാന്: ക്ലബ്ബുകളിലേയ്ക്ക് താരങ്ങളുടെ കൂടുമാറ്റം വീണ്ടും വാര്ത്തയാകുന്നു. എ.സി. മിലാന്റെ സൂപ്പര്താരം സ്ലാതന് ഇബ്രഹിമോവിച്ച് മിലാനില് തന്നെ തുടരാന് തീരുമാനിച്ചുവെന്നാണ് ആരാധകരെ സന്തോഷിപ്പിക്കുന്നത്. എന്നാല് ഡീബാല യുവന്റസില് നിന്നും ക്ലബ്ബ് മാറുന്നുവെന്നാണ് സൂചന.
കഴിഞ്ഞ ജനുവരിയില് എ.സി.മിലാനില് തിരിച്ചെത്തിയ ഇബ്രാഹിമോവിച്ച് 2020-21 സീസണിലേക്ക് ടീമില് കാലാവധി നീട്ടാന് തീരുമാനിച്ചു. ദീര്ഘകാലം ക്ലബ്ബില് തുടരാനാണ് ആഗ്രഹമെന്നും താരത്തിന്റെ അടുത്ത വൃത്തങ്ങള് സൂചിപ്പിക്കുന്നു. ഇതിനൊപ്പം 2022ലേക്ക് കാലാവധി നീട്ടാനുള്ള പദ്ധതിയാണ് മാനേജ്മെന്റ് തയ്യാറാക്കുന്നത്. 39 വയസ്സിലും മികച്ച സ്ട്രൈക്കറായ ഇബ്രഹിമോവിച്ച് ലീഗിലെ പകരം വയ്ക്കാനില്ലാത്ത താരമാണ്. ഈ സീസണിന്റെ തുടക്കത്തിലും ഗോള് വേട്ട തുടരുകയാണ് ഇബ്രാഹിമോവിച്ചെന്ന സ്വീഡിഷ് താരം. ആദ്യ രണ്ടു മത്സരങ്ങ ളിലായി നാലു ഗോളുകളടിച്ചു കഴിഞ്ഞു. 2019-20 സീസണിലെ 18 ലീഗ് മത്സരങ്ങളിലായി 10 ഗോളും 5 ഗോളവസരങ്ങളും ഇബ്രഹിമോവിച്ച് സൃഷ്ടിച്ചിരുന്നു.
യുവന്റസിന്റെ താരമായ ഡീബാല കഴിഞ്ഞ മത്സരത്തില് ക്രോട്ടോണയ്ക്കെതിരെ കളിച്ചിരുന്നില്ല. ഈ സീണിലും 2022 വരേയും കരാര് നീട്ടിയെങ്കിലും ക്ലബ്ബ് മാറുമെന്നാണ് വാര്ത്തകള് പുറത്തുവരുന്നത്. ഏതു ക്ലബ്ബിലേക്കാണ് അര്ജ്ജന്റീനിയന് താരം മാറുക എന്ന് വ്യക്തമാക്കിയിട്ടില്ല.
