ലണ്ടന്: യൂറോപ്പാ ലീഗില് ഇന്നലെ രാത്രി നടന്ന മത്സരങ്ങളില് എസി. മിലാനും ലെസ്റ്റര് സിറ്റിക്കും വില്ലാറയലിനും ജയം. ടോട്ടനത്തിന് അപ്രതീക്ഷിത തോല്വി. ഹോഫെന്ഹേം വലിയ ഗോള് വ്യത്യാസത്തില് ജെന്റിനേയും തോല്പ്പിച്ചു.
ലെസ്റ്റര് ഒന്നിനെതിരെ രണ്ട് ഗോളുകള്ക്ക് ആഥെന്സിനെ തോല്പ്പിച്ചപ്പോള് വില്ലാറയല് ഒന്നിനെതിരെ മൂന്ന് ഗോളുകള്ക്ക് ക്വാരാബാഗിനേയും എ.സി. മിലാന് എതിരില്ലാത്ത മൂന്ന് ഗോളുകള്ക്ക് സ്പാര്ട്ട പ്രാഗിനേയും തകര്ത്തുവിട്ടു. ടോട്ടനം എതിരില്ലാത്ത ഒറ്റ ഗോളിനാണ് ആന്റ്റെപ്പിനോട് അടിയറപറഞ്ഞത്.
ജാമിവാര്ഡിയുടേയും ഹംസാ ചൗദൂരിയുടേയും ഗോളിലാണ് ലെസ്റ്ററിന്റെ ജയം. എതിരാളി കളായ എഥെന്സിന് വേണ്ടി മുവാമെര് താന്കോവിച്ചാണ് ആശ്വാസ ഗോള് നേടിയത്. എ.സി മിലാന്- സ്പാര്ട്ടാ പ്രാഗ് മത്സരത്തില് ബ്രാഹീം ഡിയാസ് റഫേല് ലീയാവോ, ഡീഗോ ദാലോത് എന്നിവരാണ് മിലാന് വേണ്ടി ഗോളുകള് നേടിയത്.
വില്ലാറയല്- ക്വരാബാക് പോരാട്ടത്തില് പാക്കോ അല്കാസെറിന്റെ ഇരട്ട ഗോളുകളാണ് കരുത്തായത്. കളിയുടെ രണ്ടാം പകുതിയിലാണ് ഇരു ടീമുകളുടേയും വല ചലിച്ചത്. 78-ാം മിനിറ്റില് ശക്തരായ വില്ലറയലിനെതിരെ ക്വാരാബാക് ലീഡ് നേടി. ഓവുസു ക്വാബേനയാണ് ഗോള് നേടിയത്. എന്നാല് തുടര്ന്ന് മേധാവിത്വം പിടിച്ച വില്ലാറയല് 80-ാം മിനിറ്റില് സാന്റോസിലൂടെ സമനില പിടിച്ചു. നാലുമിനിറ്റിനകം പാകോ അലാകാസര് തന്റെ ആദ്യ ശ്രമത്തില്ത്തന്നെ വിജയഗോള് നേടി. തുടര്ന്ന് ജയം ആധികാരികമാക്കി അലാകാസര് തന്നെ കളിയുടെ അവസാന നിമിഷവും ഗോള് നേടി. അധിക സമയത്തെ 6-ാം മിനിറ്റിലാണ് അലാകാസര് ടീമിനായി മൂന്നാം ഗോളും വലയിലെത്തിച്ചത്.
